Ruacana in vloed
Vir die grootste deel van Namibië was 2016 ’n droë jaar. Die verre noorde het egter báie reën gekry – kyk net op bl. 78 hoe groen is die berge langs die Kunenerivier.
Ruacana is ’n waterval in die Kunenerivier. Namate Hougaard nader gekom het, kon hy sien hoe ’n miskolom bo die waterval opstyg en het sy hart begin bokspring.
Hierdie foto – geneem met ’n telefotolens – is lank belig en het die Carolyn Mitchum- spesiale toekenning in die 2016 Epson Pano-toekennings gewen. Dié prys gaan aan ’n uitsonderlike foto met min redigering, wat meestal “binne die kamera” geskep is. Dit het ook die 2016-toekenning vir Landskapfoto van die Jaar gewen in die kompetisie Internasionale Landskapfotograaf van die Jaar ( internationallandscapephotographer.com). Skote Petoors!
Nikon D810; 70-200 mm-lens; sluiterspoed 3 sekondes; lensopening f8; ISO 100; ’n sesstop- neutrale digtheidsfilter.