LAAIBEPERKINGS

Om te bepaal hoeveel jy op ’n voertuig mag laai, trek eenvoudig die tarra van die BVM af. Byvoorbeeld: 3 200 kg (BVM) – 2 200 kg (tarra) = 1 000 kg (toelaatbare vrag). Onthou, die vrag sluit jouself, passasiers en dinge soos die noodwiel, gereedskapskis én brandstof in. As jy dus 80 kg weeg, jou vrou 60 kg, die kinders elk 30 kg, die hond 5 kg, die noodwiel en gereedskapskis 20 kg elk en die vol brandstoftenk 85 kg (alles saam = 330 kg), lyk die som só: 1 000 kg toelaatbare vrag – 330 kg = 670 kg. As jou bagasie dus meer as 670 kg weeg, is die voertuig oorlaai.