БМТНИНГ НУФУЗЛИ КЕНГАШИ ВАКИЛЛАРИ БУХОРОДА

Qishloq Hayoti (Village Life) - - Первая Страница -

Мамлакатимизга расмий ташриф билан келган БМТ Инсон ҳуқуқлари бўйича кенгашининг дин ва эътиқод эркинлиги масаласи бўйича махсус маърузачиси Аҳмад Шаҳид бошчилигидаги делегацияси аъзолари 7 октябрда Бухоро вилоятида бўлди.

Меҳмонлар вилоятга ташрифини ислом оламида машҳур нақшбандия тариқатининг йирик намояндаси Баҳоуддин Нақшбанд меъморий мажмуасини зиёрат қилишдан бошлади. Улуғ пир қабри олдида Қуръон тиловат қилинди.

Собиқ тузум даврида – дин тараққиёт душмани, жаҳолат сифатида қатағон қилинган йилларда ислом илми ва маърифатига беқиёс ҳисса қўшган буюк алломалар қадамжолари, хусусан, Баҳоуддин Нақшбанд дафн этилган мақбара ва унинг атрофи ташландиқ ҳолга келиб қолган эди. Мустақиллик йилларида бу маскан ҳам Биринчи Президентимиз Ислом Каримов раҳнамолигида обод этилиб, муборак зиёратгоҳга айлантирилди. Баҳоуддин Нақшбанд меросини ўрганишга алоҳида эътибор қаратилди.

Президентимизнинг жорий йил 11 июлдаги Абдухолиқ Ғиждувоний таваллудининг 915 йиллигини ва Баҳоуддин Нақшбанд таваллудининг 700 йиллигини нишонлашга тайёргарлик кўриш ҳамда уни ўтказиш тўғрисидаги фармойиши бу борадаги ишларни янги босқичга кўтаришда муҳим омил бўлмоқда.

Newspapers in Uzbek

Newspapers from Uzbekistan

© PressReader. All rights reserved.