Rama reagon sërish: Ka ndodhur edhe në vende të tjera, por s’janë fajësuar autoritetet shtetërore!
PUBLIKIMI I TË DHËNAVE
Prej ditësh në Shqipëri, po përflitet mbi skandalin e nxjerrjes së pagave të mbi 630 mijë shqiptarëve. Tronditja është e madhe, e për këta jo pak raste Edi Rama është bërë objekt i sulmeve në postimet në rrjetet sociale.
Në një koment në faqen e tij në rrjetet sociale, ndjekësit kanë pyetur Ramën, nëse përgjegjësit do të ndëshkohen.
“Përgjegjësit duhet t’i gjejë drejtësia dhe t’i ndëshkojë sipas ligjit. Uroj që prokuroria të zbardhe sa me shpejt rrjedhën e ngjarjes dhe autoret e krimit”, shkruan Rama. Komentuesi/ Z/Rama
Nuk hedh poshtë punët e mira që po mundohet të bëjë mbase kjo qeveri …ama …ato të dhënat tona që dolën e janë në duart e kushedi se ëfarë grupi apo individi kriminal është përgjegjësi direkt e juaja dhe e stafit tuaj …mund të jenë në duart e prokurorisë ..nuk më intereson fare …..sepse ajo nuk zhbëhet me…herë pas here kam shkruar e komentuar dhe je përgjigja me ironi ….arsyeja pse kam shkruar e komentuar ka qenë pikërisht kjo…qe jo çdo gjë është ashtu siç po ta “servirin”bashkëpunëtoret tuaj …nuk më pëlqen dhe nuk e pranoj dot qe ti them te zezës të bardhë apo e kundërta……Shqipëria ka nje sërë problemesh….e kjo është ajo Shqipëria që kam thënë se po “dergjet”….është paaftësi …kriminalitet apo quaje si të duash faktin që të dhënat e Shqiptarëve janë të publikuara ….e di që s’ka për ti ruajt K/ministri por vartësit tuaj që Ju na i keni servirur
Faleminderit nëse e lexon e aq më tepër nëse komenton …të lutem kurse ironinë.
Edi Rama: Blerta Huba nxjerrja e të dhënave është një problem me të cilin ballafaqohen të gjitha vendet në epokën e teknologjisë digjitale, qoftë për shkak të sulmeve kibernetike, apo qoftë si pasojë e veprimeve kriminale të individëve brenda sistemeve shtetërore! Amerika, Anglia, Franca e me radhë kanë pasur ngjarje të ngjashme dhe madje në ndonjë rast me pasoja tejet të rënda përtej kufijve të vetë shtetit, por ky nuk është kurrsesi justifikim, përkundrazi. Prandaj uroj që prokuroria të nxjerrë së shpejti fajtorin dhe drejtësia t’i japë ndëshkimin e merituar, ndërkohë që ne do të finalizojmë sa më parë marrëveshjen që po punojmë prej disa kohesh, për të marre një njësi të mirënjohur amerikane në mbrojtje të sistemeve tona informatike. Sa për përgjegjësinë unë nuk i shmangem kurrë përgjegjësisë, por dy gjera kam në këtë rast.
E para, kur ngjarje shumë më të rënda të kësaj natyre kanë ndodhur në shtetet e lartpërmendura apo në të tjera akoma, nuk ka ndodhur që të fajësohen autoritetet shtetërore, por është adresuar problemi për të nxjerrë fajtorët e për të forcuar sistemet. E dyta, mua nuk më servir dot askush asgjë sipas qejfit, sepse detyra ma mundëson që të marr opinione nga shumë drejtime për të njëjtën çështje. Shëndet dhe gëzuar familjarisht Vitin e Ri.