Vjedhja e pronës legjitime në fillimvitet ‘90-të, krimi më i madh që është kryer historikisht në Shqipëri
Dërguar me email Në adresën e redaksisë
Flasim për abuzime galopante shtetarësh, për pasuri korruptive, për vila në Lalz e gjetiu,por në krahasim me atë vjedhje të përbindshme masive e me lejen e shtetit, duken vogëlsira. Asnjëherë në Shqipëri,qysh nga koha e osmanëve nuk është përdhosur e shpërfytyruar kësisoj prona e ligjshme dhe e vënë me djersë e sakrifica brez pas brezi. Shteti osman e respektoi të drejtën e pronësisë,mbreti Zog po ashtu. Enveri e shtetëzoi sipas sistemit që zgjodhëm atëherë,por nuk ja dha askujt në pronësi personale. Bile,dhe kjo është për t’u çuditur, që Enver Hoxha,zot i gjithçkaje në Shqipëri, i ruajti të paprekura regjistrat kadastralë e pronat përkatëse. Pas ‘90-tës, një komunist bastard që mori pushtetin bëri atë që nuk ishte bërë në shekuj. Deformoi regjistrat e futi duart e ndyra në ta, bile duke grisur një pjesë të tyre, sidomos në Tiranë e rrethina deri në bregdet, duke shpallur në emër të antikomunizmit e për vota të qelbura e kriminale, famëkeqen”lëvizje e lirë”, apo e përkthyer më shqip,pushtimin e lirë. Me mijëra pronarë janë në gjyqe pa fund, në Shqipëri e jashtë, për të rifituar pasurinë e grabitur me ndihmën e një shteti hajdut e me dokumente pronësi hajdute të nënshkruar po nga gjykata hajdute,të emëruar nga vetë shtetarët. Për ironi të fatit, e sigurisht për reagimin e dobët të pronarëve,bile ndodh edhe absurdi që një pjesë e të grabiturve edhe sot e duartrokasin atë monstër, ndërsa ai flet për zbulimin e të dhënave personale e për mundësinë e ndonjë vjedhjeje rroge a pensioni. Allasoj populli e allasoj konceptesh. Dukemi si ato që për inat të vjehrrës, flenë me mullixhinë. Del nga njëherë Lamja i kadastrës e na jep udhëzime për dokumente e për legalizime masive,por në troje të grabitura dhimbshëm nga zaptues tokash, me bekimin e tij e të paraardhësve me dokumente korruptive deri në absurd. Kurrë s’e dëgjova të deklaronte se sa troje janë mbivendosur e se sa pronarë enden me vite dyerve të gjykatave. Lamja të mos bëjë vetëm rolin e propagandistit partiak,por të mundohet të ndihmojë që haku të shkojë tek i zoti. Por nuk ka se si,pasi edhe ai kërkon të blejë vota në emër të partisë ku bën pjesë edhe postit të tij aktual. Por është kriminale të mohosh ndershmërinë e pronarit e djersën për ta blerë pronën, duke e zëvendësuar me një votë të qelbur që të sigurojë postin po aq të ndyrë, sa veprimi për ta”fituar”. Ka legalizime pa fund në troje të papaguara si shpronësim. Jo vetëm pa u dakordësuar me pronarin për çmimin,por edhe kur e vendosin vetë si iu teket,nuk japin as ata qindarka që duhet të japin, në vlerësim si tek malli i”babës”. Po sikur të ishte prona e Lames, çdo të ndodhte vallë. I djeg shpirti atij që ka derdhur djersë e mbase edhe gjak, e ne breza për ta blerë. Por as Saliut e as Lames nuk iu është prekur as qimja nga prona e vet,ama kanë marrë lesh sa kanë dashur nga ata që e kanë pësuar këtë padrejtësi historike. Bëri mirë drejtori që u dha pronësinë vakëfëve apo pronave pranë shenjtërisë, por po aq e shenjtë, mos më shumë është prona e djersës dhe e ndershmërisë. Kush u dha të drejtë prone mbivendosësve? Zyrat e Lames, apo si e gjithë skota edhe ai, që qyrkun e fajit e varin në gozhdë,duke ja lënë në kurriz ta gjejnë ata që