Pranohet harta e re e Drejtësisë. 12 gjykata Rrethi, një apeli dhe dy administrative
KLGJ, KLP, Ministria e Drejtësisë dhe Qeveria takohen dhe dakordësojnë zyrtarisht diskutimet, bëjnë gati hartën e re gjyqësore. Kryetari i grupit që hartoi raportin me 176 faqe, Qoku: “Janë analizuar të gjitha situatat dhe kriteret, rishikohet çdo 5 vjet, problem organika me gjyqtarët”. Do jenë dy Gjykatat Administrative, në Lushnjë dhe Tiranë. “Kusuret” do i heqin banorët e zonave më të thella
Zyrtarizohet reforma e re në sistemin e drejtësisë, me hartën e reduktuar gjyqësore, duke vendosur që qytetarë nga fshatra të thellë nëse kanë procese civile apo penale, të udhëtojnë me qindra kilometra dhe disa orë për të ndjekur ecurinë e procesit. Në një takim zyrtar të ditës së djeshme, u zbardh edhe harta e re gjyqësore në Shqipëri.
Këshilli i Lartë Gjyqësor, Këshilli i Lartë i Prokurorisë dhe Ministria e drejtësisë kanë rënë dakord për hartën e re gjyqësore. Edhe pse ka shumë kundërshtime aktualisht, është rënë dakord që të parashikohen 12 gjykata të shkallës së parë të juridiksionit të përgjithshëm dhe vetëm 1 gjykatë apeli për juridiksionin e përgjithshëm dhe atë administrative, por e ndarë në 2 dhoma (konsiderohen dy gjykata).
Sa i përket gjykatave të shkallës së parë administrative, parashikohet të jenë 2, në Lushnjë dhe në tiranë, duke ndarë hapësirën gjeografike të distancës së barabartë nga Konispoli për jugun dhe Vermoshi për veriun.
Kryetari i grupit të punës të gjyqtarëve, që kanë hartuar draftin prej 170 faqesh, Maksim Qoku, ka sqaruar me detaje hartën e re gjyqësore që është propozuar, pas dakordësisë së arritur mes qeverisë, KLGJ dhe KLP-së.
Qoku ka bërë me dije se në total do të jenë 16 gjykata (njëra me dy dhoma), e ndërsa sqaroi edhe se kriteret ku është bazuar për të bërë këtë ndarje. ai pranoi se ka pasur pengesa dhe ishte analiza që donte sistemi aktual, problematika që sillte ky sistem, e treta ishte problemi i takimit të indikatorëve, teknik dhe demografik, të cilët në natyrat e ndryshme sjellin edhe dominanca të ndryshme dhe përplasje të aspektit teknik. “Na është dashur t’i analizojmë për t’i bazuar se cilin kriter duhet të bazoheshim dhe se kë duhet të analizonim”, tha Qoku. Më tej ai shtoi se “harta shikohet çdo 5 vjet, mundësia që i ka lënë ligji është që në çdo kohë të ndërhyrë që të përballojë problematikat që sjellë, ta dokumentojë dhe pas 5 vjetësh të bëjë ndryshimin”, sqaroi Qoku.
Mësohet se apeli administrativ do jetënë godinën e tij, madje nuk është objekt i studimit të kësaj harte, ka rregullimin e tij ligjor. “Për juridiksionin e tij të përgjithshëm kemi sugjeruar modelin e gjykatës së shkallës së parë të tiranës me dy dhoma, civile dhe penale, fillimisht është i mundur që aktiviteti i apelit të kryhet në një godinë për shkak të numrit të ulët të gjyqtarëve, janë marrë marra që apeli Civil të ketë një godinë të re”, tha Qoku.
Nevoja për këtë reformë të hartës gjyqësore lindi pas kërkesave dhe këmbënguljes së vazhdueshme të KLGJ-së dhe kryetares Llagami, derisa ministri i ri Ulsi Manja dakordësoi një marrëveshje të heshtur fillimisht dhe që tashmë është pranuar edhe publikisht. Këtë propozim së fundmi e ka pranuar edhe Qeveria, e cila ka qenë kundër gjithnjë rimodelimit të gjykatave, për shkak të interesit të qytetarëve, që u duhet të udhëtojnë nga larg për të ndjekur burokracitë e proceseve.