Arrestohet në spital shoferi që aksidentoi familjen Prenga, akuzohet për parakalim të gabuar në Milot
Ekspertët morën si provë mjetin e shkrumbuar, i braktisur në Gosë. Nuk gjendet arma tip pistoletë, e përdorur për ekzekutimin. Shoqërohen anëtarë të familjes Xhahysa, pista kryesore mbetet hakmarrja. Dyshohet se u përdorën vrasës me pagesë. Dy killerat mbanin maska anti-COVID, por mjeti i tyre nuk u ndez dhe morën çelësat e makinës së viktimës për arratisje nga vendngjarja. Targat e veturës së vrasësve rezultojnë të vjedhura në Tiranë
Një ditë pas ekzekutimit të albi Bashaliut në fshatin Gjoçaj të Peqinit, policia zbulon të djegur në fshatin Gocaj të Kavajës, mjetin e viktimës, që përdorën autorët për t’u arratisur nga vendngjarja. Mjeti në pronësi të 35-vjeçarit të vrarë nën motive të dyshuara për gjakmarrje, u gjet pas kontrolleve dhe sinjalizimit nga banorët e zonës. Brenda saj nuk është gjetur arma e krimit, tip pistoletë, por mjeti ka qenë pothuajse i gjithë i shkrumbuar. Më herët, pak sekonda pas ekzekutimit të Bashaliut, dy atentatorët dogjën edhe makinën e tyre me xhama të zinj, duke zhdukur gjurmët daktiloskopike dhe biologjike.
dy ditë më parë, pas vrasjes së të riut, autorëve nuk iu është ndezur makina e tyre, ndaj dhe e kanë djegur në vendngjarje, duke u larguar me mjetin e viktimës që ndodhej aty para lokalit i parkuar, pasi në të kundërt mund të arratiseshin në këmbë, ose të grabisnin një tjetër veturë.
Mjeti i gjetur është sekuestruar nga policia vendore për interes hetimor, ndërsa po këqyret nga ekspertët për grumbullimin e provave.
albi Bashaliu, 35 vjeç, banues në fshatin Gjoçaj të Peqinit, u ekzekutua me amë zjarri mëngjesin e të hënës, rreth orës 08:40, pak pasi doli nga shtëpia e tij, për të shkuar në lokalin e zonës, me qëllim ngrënien e mëngjesit dhe pirjen e kafes. Persona ende të paidentifikuar i kanë zënë pritë Bashaliut dhe e kanë qëlluar për vdekje, teksa e prisnin që të dilte, duke e ditur itinerarin dhe se ishte pikërisht shënjestra. Besohet se atentati është i paguar.
autoritetet kërkuan me helikopter autorët e dyshuar të vrasjes së Bashaliut. Policia dyshon se 22-vjeçari Enriko Xhahysa të jetë autori i ngjarjes, pasi është edhe djali i Ylber Xhahysës, 44-vjeçarit që u vra në qershor të këtij viti nga vëllai i viktimës, Leonard Bashaliu, që ndodhet në paraburgim. i riu është marrë në pyetje nga policia, por ka mohuar përfshirjen, duke thënë se ka alibi. Po shqyrtohen edhe pamje të kamerave të sigurisë në itinerarin që kanë ndjekur vrasësit, teksa u dëgjuan edhe dëshmitë e banorëve. Pronari i lokalit, i afërm i viktimës, dha detaje me interes për ekspertët, duke shpjeguar se autorët ishin dy persona, mbanin maskë kirurgjikale anti-COVid dhe të veshur me të zeza. E qëlluan Bashaliun 2 herë me pistoletë dhe u siguruan se kishte vdekur. ai ka dhënë detaje për karakteristikat e tyre dhe pamjet, detajet e veshjeve dhe shenja të dukshme që mund të çojnë në identifikim.
Pista kryesore mbetet ajo e hakmarrjes, si pasojë e konflikteve të vjetra mes familjeve Bashaliu dhe Xhahysa, për shkak të një gërvishtjeje makine dhe rrahjeje. Në qershor të këtij viti, Leonard Bashaliu vrau me armë Ylber Xhahysën për motive banale. Një tjetër ngjarje që po hetohet është ajo e ndodhur në vitin 2017, kur viktima e të hënës ka qëlluar me armë dy persona të tjerë, që mund të jenë hakmarrë. albi Bashaliu ka qenë i arrestuar për këtë ngjarje.
Autorët, ende të paidentifikuar, i morën çelësat e makinës viktimës në xhepa dhe më pas u larguan me shpejtësi nga vendi i ngjarjes. targat e mjetit të djegur në vendngjarje që i përket autorëve, rezultojnë të vjedhura në tiranë. Kjo makinë është edhe prova kryesore në duart e grupit hetimor që mund t’i çojë deri në kapjen e autorëve.
arlind Miha, drejtuesi i automjetit tip “Benz”, që u përfshi në aksidentin tragjik të hënën në aksin Milot-Rrëshen, i është komikuar dje masa e arrestit në spital. Paraprakisht dyshohet se shkak i aksidentit tragjik, ku humbën jetën 3-vjeçari bashkë me të atin Shkurt Prenga, është bërë një parakalim i gabuar i kryer nga Miha. E mbijetuar e aksidentit përveç të ndaluarit, është edhe gruaja e shoferit tjetër. të dy kanë plagë të rënda, teksa i dyshuari ka edhe djegie nga shpërthimi. Ngjarja u regjistrua rreth orës 16:30, në afërsi të Milotit, në “Rrugën e Kombit”, një segment tepër i përgjakshëm për shoferë dhe udhëtarë. i mituri me iniciale O.P., ishte në sediljen e pasme të makinës tip “Opel”, ndërsa po udhëtonte bashkë me dy prindërit kur u përplasën me makinën tip “Benz”, i cili shpërtheu menjëherë në flakë. Ndërsa makina ku udhëtonin tre anëtarët e familjes Prenga, nga fshati Rrilë i Lezhës, është përplasur me tej me barrierat mbrojtëse të rrugës, duke përfunduar si grumbull hekurishtesh.