“SPaK të hetojë gjyqtaren ‘KÇK’, mori vendim skandaloz para se ta shkarkonte Vettingu!”
Ministri i Drejtësisë, Ulsi Manja, reagon publikisht për një nga çështjet më të përfolura, bllokimin e investimit të Qeverisë, për ndërtimin e një parku fëmijësh te Garda. Akuzon ish-magjistraten Klorinda Çela se shkeli ligjin dhe mori vendimin kundër shtetit një ditë para datës dhe sapo mësoi se KPK e thirri për Vetting, ku edhe e shkarkoi. Manja: Të hetohet pasuria dhe vepra penale, vendim “kap ça të kapësh”
Ministri i drejtësisë denoncon një tjetër magjistrat të sistemit për abuzim me detyrën. Ulsi Manja i ka bërë thirrje SPaK-ut të nisë hetimin pasuror ndaj gjykatëses Klorinda Çela, që akuzohet se mori vendim skandaloz para se të shkarkohej nga Vettingu dhe u denoncua nga vetë kryeministri Edi Rama. Në një dalje për mediat ditën e djehsme, zyrtarisht ministri dha detaje për çështjen, provat dhe motivet. Më poshtë deklarata e plotë e ministrit Manja:
“Haptazi dhe në kundërshtim me ligjin ka bllokuar një investim serioz të qeverisë shqiptare, një nga objektivat e reformës në drejtësi ishte që ato gjyqtarë të larguar nga Vettingu që kanë mospërputhje mes të ardhurave dhe pasurisë, të shkojnë në SPaK e Gjykata, të marrin dënimin nga drejtësia, deri më sot nuk ka ndodhur, asnjë nuk është ndëshkuar nga drejtësia, nëse nuk llogarisim Llallën.
Kjo është një kërkesë jo vetëm e popullit, por edhe e SHBa-BE. Unë jam me avokatin e shtetit, për të informuar publikut me një rast skandaloz të abuzimit me detyrën e gjykatësit, gjykatësja K.Ç, në Gjykatën Civile të tiranës, ka lënë të shkruar në formën e një thirrje nga drejtësia vendimin për të marrë peng fëmijët e kryeqytetit dhe me fëmijët e tyre, që qeveria i ka premtuar një qendre të re, me teatër kukullash, në hyrje të Liqenit të tiranës, te Garda e Republikës, spostimi i gardës dhe hapja për fëmijët dhe bibliotekës, bëhet fjalë për një truall të shtetit, janë përgatitur projekt idetë për fillimin e saj.
Mirëpo gjykatësja K.Ç., (ministri se ka dhënë të plotë identitetin), ka pasur një mendim tjetër, kur sapo ministria bëhet gati të nisë punën, prona e shtetit na del me barrë. Pala paditëse në tejkalim të asaj që i kalon me ligj, kërkon masa sigurimi deri sa të shqyrtohet në themel, kundër ishte avokatura e shtetit, këshilli i ministrave, ministria e kulturës, gjykata nuk e shqyrtoi kërkesën, përcaktoi si datë 18 nëntor 2021, për zhvillim seance normale ku do të thirrej dhe Ministria e Kulturës. Gjyqtarja i njoftoi të gjithë për këtë datë, ndërkohë që bëheshin gati për këtë seancë, në 21.10.2021, gjykata disponoi një vendimarrje për sigurim padie pa palët. Nuk gjykohet se ishte një vendim i ngutshëm pa praninë e palëve, në këtë logjikë nuk ka ndodhur asnjë fakt i ri që do justifikonte ngutjen e vendimit, palët po përgatiteshin duke grumbulluar prova dhe fakte, ndodhen përpara një vendimmarrje pa praninë e tyre, ky absurd ka ndodhur kur gjykatësja do të dilte në Vetting, që në fund e shkarkoi se nuk justifikonte pasurinë.
Pra, njoftohet nga KPK që do hynte në Vetting, sapo mori dijeni, nxiton dhe në 21.10.2021, pra një ditë para, vendosi në mënyrë të njëashme të marrë sigurim padie, duke cenuar shtetin. Veprimet e saj të kryera një javë para se të shkarkohej nga Vettigu, për ne janë haptazi të marra sipas parimit, kap ca të kapësh.
Njësia antikorrupsion dhe avokatura e shtetit i kërkojnë
SPAK fillimin e menjëhershëm të hetimeve për këtë gjykatëse që ka dhënë një vendim flagrant, në kundërshtim me ligjin, skandaloz me interesin publik”.