Dje rekord infektimesh\ Zbulohen 801 raste të reja dhe 2 viktima!
PAKUJDESIA GJATË FESTAVE, APELI I MSH: VAKSINOHUNI, SHMANGNI GRUMBULLIMET DHE AJROSNI AMBIENTET KU QËNDRONI PËR TË KUFIZUAR PËRHAPJEN E COVID-19. VENDOSJA E MASKËS ËSHTË E DETYRUESHME NË ÇDO AMBIENT TË MBYLLUR
Grumbullimet masive përgjatë ditëve festive të ndërrimit të viteve dhe neglizhenca në respektimin e masave mbrojtëse kanë çuar në një rritje të ndjeshme të rasteve të reja të identifikuara me koronavirus në vend. Me rritjen e numrit të testimeve të kryera përgjatë 24 orëve të shkuara është rritur edhe numri i të infekturave me Covid-19, ku rasteve aktive të dy ditëve më parë i janë shtuar edhe 801 pacientë të rinj, ku më shumë se gjysma e tyre i përkasin qarkut të Tiranës. Fatkeqësisht përgjatë ditës së djeshme edhe dy qytetarë të tjerë nuk ja kanë dalë dot që të fitojnë betejën me këtë sëmundje të rrezikshme, ku një prej viktimave i përket moshës 33-vjeçare.
Kundrejt situatës së rënduar autoritetet e shëndetit bëjnë thirrje për vaksinim masiv, ndërkohë që theksojnë nevojën e domosdoshme të respektimit të masave që kanë të bëjnë me kujdesin për higjienën, mbajtjen e maskës dhe ruajtjen e distancës fizike. Shifrat në 24 orët e fundit Sa i takon gjurmimit të rasteve të reja, gjatë 24 orëve të shkuara në të gjithë vendin bëhet e ditur se janë kryer 5,166 testime, nga të cilat kanë rezultuar pozitivë me koronavirus 801 qytetarë, në këto bashki: 436 në Tiranë, 37 në
Durrës, 30 në Sarandë, Elbasan, 29 në Vlorë, 24 në Fier, 20 në Lushnje, 19 në Shkodër, 17 në Lezhë, Gjirokastër, 10 në Peqin, Gramsh, 9 në Kamëz, Mallakastër, Kuçovë, 8 në Patos, 7 në Berat, 5 në Kavajë, Klos, Përmet, Tepelenë, 4 në Kurbin, Dibër, Divjakë, Dimal, 3 në Pukë, Kukës, Vorë, Memaliaj, Korçë, Pogradec, 2 në Tropojë, Krujë, Mat, Delvinë, Konispol, Skrapar, Librazhd, Prrenjas, 1 në Malësi e Madhe, Has, Mirditë, Bulqizë, Selenicë, Dropull, Poliçan, Këlcyrë, Cërrik.
Si shkak i infektimeve të shumta në rritje është edhe numri i rasteve aktive që po trajtohen me këtë sëmundje, pjesa dërrmuese e të cilëve ndodhen nën mbikqyrjen e mjekëve të familjes në kushtet e vetizolimit. Aktualisht në të gjithë vendin janë 7,049 pacientë aktivë me koronavirus, ku prej tyre në spitalet Covid po marrin trajtim 113 pacientë të grupmoshave të ndryshme, nga të cilët 16 janë në gjendje më të rënduar.
“Me gjithë përpjekjet e mjekëve, në 24 orët e fundit ka 2 humbje jete me SARSCOV2 pozitiv: një qytetar nga Elbasani 33 vjeç, një qytetar nga Vlora 73 vjeç”, konfirmoi dje Ministria e Shëndetësisë dhe Mbrojtjes Sociale. Po të njëjtat burime bëjnë me dije se dje janë shëruar edhe 351 qytetarë duke e çuar numrin e të shëruarve në 201,748 që nga fillimi i epidemisë. Nëse dyshoni se jeni të prekur nga Covid-D19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127. Për të shmangur kalimin në format e rënda të sëmundjes, bluzat e bardha këshillojnë që menjëherë sapo të diagnostikoheni si të infektuar të kontaktoni me mjekun për të vendosur vijueshmërinë e trajtimit dhe jo të vijoni me vetmjekimet në kushtet e shtëpisë.
Gjithashtu, për të frenuar përhapjen e mëtejshme të virusit, Ministria e Shëndetë
Si shkak i infektimeve të shumta në rritje është edhe numri i rasteve aktive që po trajtohen me këtë sëmundje, pjesa dërrmuese e të cilëve ndodhen nën mbikqyrjen e mjekëve të familjes në kushtet e vetizolimit. Aktualisht në të gjithë vendin janë 7,049 pacientë aktivë me koronavirus, ku prej tyre në spitalet Covid po marrin trajtim 113 pacientë të grupmoshave të ndryshme, nga të cilët 16 janë në gjendje më të rënduar.
sisë u bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Sipas autoriteteve të këtij dikasteri, çdo qytetar mbi 16 vjeç mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinat antiCovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Vaksinimi është i hapur edhe për fëmijët mbi 12 vjeç me probleme të sistemit imunitar, me rekomandim nga mjeku. Nga ana tjetër, Ministria e Shëndetësisë apelon të gjithë personat mbi 18 vjeç që kanë kaluar 6 muaj nga kryerja e dozës së dytë, të drejtohen në qendrat shëndetësore ose pikat e vaksinimit të përqëndruar për t’u vaksinuar me dozën e tretë përforcuese.
“Respektimi i protokolleve anticovid është domosdoshmëri për mbrojtjen e shëndetit. Shmangni grumbullimet dhe ajrosni ambientet ku qëndroni, për të kufizuar përhapjen e Covid-19. Kujtojmë qytetarët se vendosja e maskës është e detyrueshme në çdo ambient të mbyllur. Krahas vaksinimit, po ashtu është shumë e rëndësishme që çdo qytetar duhet të vijojë të zbatojë me përpikmëri edhe rregullat për parandalimin e Covid-19: ku nuk duhet të neglizhoni në asnjë moment që të vendosni maskën mbrojtëse në çdo ambient të mbyllur dhe kudo ku nuk mund të ruhet distancimi fizik, si dhe të kujdeseni për higjienën vetjake dhe të vetëizolohuni kur dyshoni se jeni të prekur nga ky virus i rrezikshëm. Deri në vaksinimin e plotë të popullatës, respektimi i këtyre masave është vendimtar në ndihmë të ndërprerjes së zinxhirit të infektimeve me Covid-19”, rikujton Ministria e Shëndetësisë dhe Mbrojtjes Sociale.
Në çdo qark po vijon tashmë vaksinimi masiv në pikat e përqëndruara të vaksinimit, në qendrat shëndetësore, poliklinika si dhe nëpërmjet njësive të lëvizshme në komunitet në kuadër të aksionit kombëtar “Derë më derë”. Vaksinimi është i hapur dhe të gjithë qytetarët sipas moshës së përcaktuar, të cilët mund të paraqiten me kartën e identitetit në qendrën e tyre shëndetësore, në poliklinika ose në qendrën më të afërt të vaksinimit çdo ditë, nga 08:0020:00, për të kryer vaksinën antiCovid.
Deri tani kanë mbërritur në vendin tonë mbi 2.8 milionë vaksina antiCovid. Procesi i vaksinimit po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin.
Vaksinat ndaj Covid-19 ndihmojnë trupat tanë të zhvillojnë imunitet ndaj virusit që shkakton këtë sëmundje pa pasur nevojë të sëmuremi. Lloje të ndryshme të vaksinave funksionojnë në mënyra të ndryshme
për të ofruar mbrojtje, por me të gjitha llojet e vaksinave, trupi mbetet me një sasi të limfociteve T të kujtesës si dhe limfociteve B që do të kujtojnë se si të luftojnë atë virus në të ardhmen. Zakonisht duhen disa javë që trupi të prodhojë limfocite T dhe limfocite B pas vaksinimit. Ndonjëherë pas vaksinimit, procesi i krijimit të imunitetit mund të shkaktojë shenja të tilla si ethe etj. Këto shenja janë normale dhe janë një tregues që trupi po përpiqet për të krijuar imunitet.