Prokuroria kërkon 4 arreste shtëpiake dhe 30 lirime, sot masa e sigurisë
Organi i akuzës dorëzoi dosjen në Gjykatën e Tiranës, masat nga magjistrati Arben Micko. Edhe për Stresin kërkohet arrest shtëpiak, mes të akuzuarve edhe ish-kryepolici i Bashkisë së Tiranës në kohën e Bashës, Florenc Hoxha. Të akuzuar edhe shtetas nga Kosova dhe Maqedonia e Veriut. Nnë hetim deputetët Gazmend Bardhi dhe Flamur Noka. 30 do jenë në detyrim paraqitjeje, 26 të tjerë po procedohen në gjendje të lirë. Mesatarisht ndaj tyre rëndojnë 2-5 vepra penale. Më 8 janar, pati shkatërrime, gaz lotsjellës, armë të ftohta dhe të plagosur mes dy palëve
Organi akuzës ka dorëzuar kërkesat për masat e sigurisë ndaj 34 personave të arrestuar për protestën e dhunshme të 8 janarit, në selinë e Partisë demokratike. Prokuroria e tiranës mësohet se i ka kërkuar Gjykatës lirimin nga burgu të të ndaluarve, me masa më të buta; respektivisht 4 masa “arrest shtëpie” dhe 30 të tjera “detyrim paraqitjeje”. Kurse për 26 të hetuarit në gjendje të lirë do vijojë ky procedim, pa kërkuar masë shtesë. Masat pritet të zhvillohen ditën e sotme, me gjyqtar të gatshëm arben Mickon dhe që pritet të jenë të ndara në disa faza, për shkak të numrit të madh të të arrestuarve dhe masave antiCOVid. Bëhet me dije se masë shtrënguese “arrest shtëpie” do të kërkohet edhe për këngëtarin arkimed Lushaj, i njohur edhe me emrin e artit Stresi, si një nga protestuesit e dhunshëm të krahut të Sali Berishës. Një tjetër fakt interesant është se
mes të arrestuarve ka edhe shtetas nga Kosova dhe Maqedonia e Veriut, për të cilët kërkohet burg për akuzën e tubimit të paligjshëm. do jetë gjyqtari Micko nëse do pranojë këtë kërkesë, do lërë në fuqi masat e izolimit apo do i lehtësojë më shumë nga aktet e dosjes së Prokurorisë.
Mes të hetuarve si organizatorë apo përdorues të gazit lotsjellës, janë dy deputetët e ndarë në krah të kundërt, sekretari i Pd, Gazmend Bardhi dhe deputeti Flamur Noka. i pari, që mbështet Bashën, akuzohet se ka stërvitur mbështetësit nga brenda selisë të përdornin lëndë lakrimogjene helmuese dhe sende të forta, kurse i dyti, që mbështet Berishën, për organizimin e tubimit të dhunshëm dhe të paligjshëm, me pasojë dëme materiale dhe të lënduar.
Mes të akuzuarve në krahun e kryedemokratit Basha është edhe ish-kreu i Policisë Bashkiake të tiranës, Florenc Hoxha, së bashku me 9 persona të tjerë, që dyshohet se ka qenë një nga personat kryesorë që do të mbronte në rast rreziku me 8 janar godinën e selisë së Pd-së, nga mbështetësit e ish-kryeministrit Sali Berisha. Në aplikacionin e Komisariatit digital, është çuar një video, ku dallohen një grup prej 10 personash, të cilët ishin ulur në një dhomë, duke ngrënë ushqim dhe duke luajtur me instrument muzikor. Në mesin e tyre dallohet Florenc Hoxha, i cili mban të veshur një kostum sportiv me ngjyrë blu dhe me vija të bardha.
Personat e arrestuar akuzohen mesatarisht nga 2-5 akuza, konkretisht për; «organizim dhe pjesëmarrja në grumbullime e manifestime të paligjshme», «prishja e qetësisë publike», «pengimi i qarkullimit të mjeteve të transportit», «shkatërrimi i pronës» dhe “prodhimi, mbajtja, blerja apo shitja pa leje e armëve të ftohta”. Gazment Bardhi është nën hetim për “shkelje të rregullave mbi lëndët plasëse dhe djegëse dhe radioaktive” dhe “stërvitja për prodhimin dhe përdorimin e paligjshëm të armëve e lëndëve të tjera të rrezikshme”, ndërsa Flamur Noka, për veprat penale “organizimi dhe pjesëmarrja në grumbullime e manifestime të paligjshme” dhe “pengimi i qarkullimit të mjeteve të transportit”.
Në protestën e 8 janarit selia blu u kthye në një skenë krimi, ku mbështetës të ish-kryeministrit Sali
Berisha sulmuan selinë me varetë, shkallë, leva, çekiçë, trapanë, por edhe nga brenda selisë ka pasur kundërpërgjigje me gaz lotsjellës ndaj tyre. U desh ndërhyrja e policisë për shpërndarjen e protestuesve, në momentin që po shembeshin dyert e blinduara dhe do merrej selia me forcë, teksa brenda ndodhej Lulzim Basha me mbështetësit e tij dhe përplasja mund të kthehej në një bilanc tragjik. Madje të dyja palët akuzuan Policinë e Shtetit se doli në krah të njërës apo tjetrës, duke ndërhyrë apo duke e vonuar këtë ndërhyrje.