Hapin vrimë në mur dhe zbresin me çarçafë, shqiptari kapet teksa po arratisej nga burgu, por marokeni dhe rumuni ia dalin
Nuk ka zgjatur më shumë se një muaj paraburgimi për dy të dyshuarit e arrestuar si autorë të ekzekutimit të ish-deputetit dhe kryekomunarit të Velipojës, Pashk Ujka. Gjykata e Shkodrës ka vendosur të lirojë në limit të afatit të paraburgimit të dhënë më herët, Kristjan Kelmendin dhe bashkëpunëtorin e dyshuar në krim, Marjan Kola. Gjykata ndryshoi masën e sigurisë nga “arrest me burg”, në “arrest shtëpie” për të dy, duke i lënë përsëri mundësi Prokurorisë dhe Policisë që të gjejnë prova të reja. Shkak i ndryshimit të masës dhe lirimit nga qelia, ka qenë administrimi i një prove të re të palës mbrojtëse, pikërisht një video përmes të cilës pretendohet se autori i dyshuar i vrasjes së ishdeputetit dhe bashkëpunëtori, ditën e atentatit kanë qenë në Kosovë. Pas kësaj video, që është marrë si provë, gjykata vendosi t’i lirojë dje, duke lehtësuar masën.
Mediat publikuan edhe pamjet që janë paraqitur në gjykatë nga pala mbrojtëse, të shkëputura nga video, teksa Prokuroria do ta kalojë materialin për ekspertim, pasi mund të jetë edhe i fabrikuar apo manipuluar. Këto pamje janë sekuestruar si provë nga trupa gjykuese dhe po analizohen pasi Kelmendi dhe Kola pretendojnë se kanë qenë në Kosovë më 29 nëntor, ditën kur u vra biznesmeni, Pashk Ujka, në sy të gruas dhe vëllait të tij.
Përveç kësaj video, Gjykata është në pritje edhe të disa provave të tjera të këtyre dy shtetasve, që mund të jenë sërish video, por edhe fatura të ndryshme të blerjeve, apo prova të tjera që mund të faktojnë se dy të dyshuarit kanë qenë në Kosovë ditën kur u vra ish deputeti Pashk Ujka. Në seancën për masën e sigurisë më 4 dhjetor, autori i dyshuar Kristjan Kelmendi dhe shtetasi tjetër Marjan Kola kanë mohuar përpara gjykatës autorësinë e vrasjes, duke thënë se ata kanë qenë në Kosovë. Gjykata la një muaj kohë për të administruar këto prova, duke i lënë me masën e sigurisë “arrest me burg” me afat 30 ditor dhe tashmë pas këtij afati ka mbërritur një prej provave që është pikërisht video e Kristjan Kelmendit dhe Marjan Kolës, në një market në Kosovë, që përkon me kohën kur është kryer vrasja. Në rast se në gjykatë mbërrijnë prova të tjera që vërtetojnë përfundimisht se dy të dyshuar kanë qenë në shtetin fqinj, atëherë pala mbrojtëse do të kërkojë lirimin nga çdo akuzë të dy të dyshuarve. ata thanë se nuk kanë asnjë konflikt apo mosmarrëveshje me familjen Ujka, megjithëse Prokuroria dyshon se vite më parë Kelmendi dhe ish-deputeti kanë pasur konflikte për shkaqe ekonomike, në lidhje me shitjen e një hyrjeje apartamenti nga i ndjeri. Kristjan Kelmendi u arrestua më 1 dhjetor si autor i dyshuar i vrasjes në momentin kur po kthehej nga Kosova drejt Shqipërisë, pasi kishte qenë atje për të takuar babanë e tij, bashkë me shtetasin Marjan Kola, shok i babait të 20-vjeçarit. të dy të dyshuarit kanë hedhur poshtë dyshimet e ngritura ndaj tyre. arrestimi u bë pasi bashkëshortja e viktimës tha se dyshon se autor i vrasjes është Kristjan Kelmendi, për shkak të një mosmarrëveshje për një shtëpi që i dyshuari i ka blerë viktimës vite më parë. Kristian Kelmendi, me origjinë nga Kelmendi, banonte në trush. Më pas është zhvendosur në Shkodër, ku mësohet se i ka marrë Pashkos në pallat në Shkodër. dyshohet se konflikti tij dhe Kristian Kelmendit ka lindur për një apartament që autori kishte blere tek Ujka disa vite më parë dhe tashmë i kërkonte të riut t›i shlyente 20 mijë euro. Kjo mendohet
të jetë edhe shkak për ekzekutimin e 64-vjeçarit në Shkodër. Karriera e Pashk Ujkës, nga biznesi në politikë si deputet i AD-së dhe kryekomunar i Velipojës
Biznesmeni Pashk Ujka, gjatë legjislaturës 2005-2009, ishte deputet i aleancës demokratike për qarkun e Shkodrës dhe një vit pas zgjedhjeve kaloi te PdK-ja e Nard Ndokës, në parlamentin shqiptar, madje ishte dhe kryetar i këtij grupi parlamentar dhe pjesë e koalicionit me Partinë demokratike. Ndërsa në zgjedhjet e vitit 2009, doli pjesë e Partisë demokristiane, që drejtohej nga Nikollë Lesi. Në zgjedhjet lokale 2011, Ujka kandidoi po nën siglën e PdK-së, i mbështetur nga PS-ja, në koalicionin për të ardhmen, duke fituar mandatin si kryekomunar i Velipojës, por pa u shkëputur nga jeta si biznesmen. Ujka ka shërbyer si kryetar i komunës së Velipojës në vitet 2011-2015 dhe pas saj iu rikthye bizneseve. Kohët e fundit ka pasur edhe probleme shëndetësore, me disa patologji të ndryshme, kryesisht kardiologjike. Madje kishte bërë edhe një operacion nga zemra në Gjermani dhe çdo mbrëmje bënte shëtitjen me bashkëshorten dhe vëllain, për shkak të shëndetit. autori ka njohur mirë itinerarin e ish-deputetit, duke e vrarë me një plumb në zemër nga pas shpine.
Një arratisje si nëpër filma ka ndodhur në ambientet e një burgu në Itali ditën e djeshme. Protagonistë kanë qenë 3 të dënuar, mes tyre edhe një shqiptar. Ngjarja ka ndodhur në Burgun e Bellizzi, në Avellino. Mediat italiane kanë raportuar se tre të burgosurit kishin bërë një vrimë në mur, ndërsa për ta zbritur atë kanë përdorur çarçafë të lidhur me njëritjetrin. Gjithçka ishte e menduar deri në detaje, por diçka nuk shkoi mirë në këtë arratisje. Një maroken 40 vjeç, një rumun 22 vjeç dhe një shqiptar 45 vjeç, ishin tre protagonistët që në mes të natës vendosën të kryenin planin e tyre për të lënë pas qelinë. Por njeri prej tyre duket se nuk ia doli dhe dështoi planin e mëtejshëm. Mediat publikuan fotografi të të dënuarve, por jo identitetet. Ai që nuk ia doli dot mësohet se ka qenë shqiptari, i cili teksa po tentonte të largohej është kapur në kohë nga karabinierët, që e rikthyen në burg. Alarmi për kapjen e dy të burgosurve që arritën të arratiseshin nga burgu është ngritur dhe kërkimet kanë filluar për kapjen e dy të tjerëve, që mundën të kalonin edhe gardhin e fundit të sigurisë.