Gjykata jep 30 ditë burg për edukatoren, mungon në sallë: Jam e rënduar psikologjikisht!
Redina Binjaku, punonjëse e kopshtit privat “Flatrat e dijes”, ku ndodhi tragjedia, është dërguar dy herë në spitalin rajonal për trajtim mjekësor, si pasojë e gjendjes së shokut pas ngjarjes së rëndë. Përfaqësohet nga avokati dhe dërgon letër sqaruese për gjyqtarin e gatshëm. Shpreh ngushëllimet për humbjen e fëmijës dhe tronditjen e thellë. Prokuroria ka një muaj afat të gjejë prova, nëse nuk ishte aksident. Vogëlushi u mbyt me lidhësen e kapuçit të xhupit, që i ngeci te varësja e rrobave. Edukatorja po kujdesej për një foshnjë, shkak mbingarkesa
Një muaj paraburgim me afat ka qenë masa e sigurisë që dha dje Gjykata e Fierit për edukatoren e ndaluar, Redina Binjaku, e akuzuar për pakujdesi në detyrë, që solli edhe vdekjen aksidentale në kopshtin privat “Flatrat e dijes”, të një fëmije 3-vjeçar. E dyshuara nuk ka qenë e pranishme në seancë, duke dërguar një letër të shkruar nëpërmjet avokatit mbrojtës, ku shpjegonte se për shkak të tronditjes së rëndë psikologjike pas ngjarjes tragjike, nuk ishte në gjendje të ndodhej në sallën e gjyqit. Ndër të tjera edukatorja shpreh dhimbjen për ngjarjen e rëndë dhe humbjen e jetës së vogëlushit, duke theksuar sikurse dhe në dëshminë e dhënë, se ishte një aksident fatkeq.
Gjykata e Fierit e gjeti të ligjshëm ndalimin për shpërdorimin e detyrës nga edukatorja, por i la kohë Prokurorisë një muaj, për të gjetur prova më bindëse, që të çojnë tek masa “arrest me burg” ndaj të resë.
Edukatorja cilësohet kujdestarja përgjegjëse për sigurinë e fëmijëve të klasës ku ndodhej edhe viktima, që sipas hetimeve paraprake, rezulton se është mbytur me lidhësen e kapuçit të xhupit, që mbeti i ngecur te varësja e rrobave ku po merrte çantën. Edukatorja akuzohet nga prokuroria për shkelje të rregullores në punë. Binjaku nuk është paraqitur një seancë ndërsa është përfaqësuar nga avokati i saj, Ylli asimetaj, i cili dorëzoi edhe letrën me shkrim dore të të dyshuarës. avokati tha se edukatorja ka përfunduar 2 herë në spital, për shkak të gjendje së rën