Laboratorë për identitete false të vendeve të BE-së, 4 të arrestuar dhe 2 në kërkim
Përgjimet dhe hetimet 3-mujore çuan në bazën e fshehtë në Lezhë, ku u gjetën prova dhe logjistikë, si dhe materiale kompjuterike për call-center pa licencë. Prodhoheshin edhe pasaporta spanjolle dhe italiane, sajoheshin martesa fiktive. Pagesat shkonin ng
Një operacion për goditjen e një rrjeti kriminal të organizuar të falsifikimit dhe trafikimit të klandestinëve me pagesa të majme, që shkonin nga 500, deri në 300 mijë euro, është goditur dje në disa qytete. Baza kryesore ka qenë në qytetin e Lezhës, por ndalime janë kryer edhe në tiranë, Korçë dhe Elbasan. Policia bëri me dije se u sekuestrua një laborator që dyshohet se shërbente për prodhimin e dokumenteve të huaja të identifikimit, të dyshuara të falsifikuara dhe logjistikë për realizimin e tyre.
Po ashtu, është zbuluar edhe një ambient ku ushtrohej aktivitetit i dyshuar i mashtrimit kompjuterik, ndaj shtetasve të huaj. Burime zyrtare sqaruan se në pranga kanë rënë; Pertef Musabelli, 61 vjeç, banues në tiranë, Henri Haxhiraj, 34 vjeç, banues në tiranë, arjan Refugjati, 27 vjeç, banues në tiranë dhe Erigesji Moriga, 21 vjeç, banues në Korçë, ndërsa u shpall në kërkim artur tereziu, 52 vjeç, banues në Elbasan dhe ilir Mata, 41 vjeç, banues në tiranë. Pas hetimeve 3 mujore, policia organizoi operacionin e koduar “identiteti” ditën e djeshme, me epiqendër Lezhën, ku kishin ngritur laboratorë në fushën e falsifikimit të dokumenteve, mashtrimeve kompjuterike dhe dhënies ndihmë për kalim të paligjshëm të kufijve. “Gjithashtu u zbulua edhe një ambient ku ushtrohej aktiviteti i dyshuar i mashtrimit kompjuterik. Këto laboratorë shërbenin për falfifikimin dokumenteve të identifikimit me shtetësi të huja, përkatësisht bullgare dhe spanjolle kundrejt shumë nga 500-300 mijë euro”, thuhet në njoftimin zyrtar të Policisë së Shtetit.
Rrjeti i falsifikatorëve, në shënjestër kishte klandestinët që kërkonin të kalonin nga Shqipëria drejt vendeve të BE-së. Por hetimet provuan se nuk kanë munguar as shqiptarët që kanë kërkuar të kenë një identitet fals, si shtetas të vendeve të BE.
“Gjatë kontrolleve të ushtruara në disa ambiente në Lezhë, tiranë dhe Elbasan, u sekuestruan pasaporta dhe karta identiteti
bullgare, karta identiteti spanjolle, pasaporta, karta identiteti dhe leje drejtimi italiane, fotokopje dokumentesh të huaja e shqiptare, pasaporta shqiptare, certifikata, 11 njësi kompjuterike, karta bankash, laptopë, USB që përmbanin të dhëna personale të disa shtetasve të huaj të mashtruar nga të arrestuarit”, sqarohet në këtë njoftim mbi elementët e provave të gjetura. Materialet hetimore për këtë dosje iu referuan Prokurorisë Lezhë aktualisht, për veprat penale “falsifikimi i letërnjoftimeve, pasaportave ose vizave”, “mashtrimi kompjuterik”, “dhënia ndihmë për kalim të paligjshëm të kufijve”, “fshehja e të ardhurave”, “punësimi i paligjshëm” dhe “mospagimi i taksave dhe tatimeve”. Ka dyshime të forta se baza kompjuterike e gjetur vepronte për biznes të paligjshëm në fushën e call-center.