Bonusi i bebes do vijojë të ndahet edhe për vitin 2022
KUSHTI\KËTO PAGESA JEPEN VETËM KUR VËRTETOHET ME RAPORT MJEKËSOR SE PËRFITUESI ËSHTË PËRKOHËSISHT I PAAFTË
Bonusi i bebes do të vijojë të përfitohet edhe nga të gjitha bebet që do të vijnë në jetë përgjatë këtij viti. Ministria e Shëndetësisë dhe Mbrojtjes Sociale garanton vijueshmërinë e ndarjes së këtij shpërblimi për të gjitha bebet që do të lindin përgjatë 2022 sipas masës së përcaktuar për çdo lindje të parë, të dytë, të tretë dhe më shumë.
“Edhe këtë vit, garantojmë bonusin për çdo fëmijë që vjen në jetë në Shqipëri, apo jashtë saj, por që regjistrohet në vendin amë. By bonus është në vlerën e 40 mijë lekëve për fëmijët e parë, 80 mijë lekë për fëmijën e dytë, si dhe 120 mijë lekë për fëmijën e tretë dhe më tej. ”, sqaron ministrja e Shëndetësisë dhe Mbrojtjes Sociale, Ogerta Manastirli në lidhje me dhënien e këtij bonusi përgjatë 2022. Për prindërit që sjellin në jetë dy foshnja të lindura njëherësh (binjakë), masa e përfitimit do të jetë në masën 80 mijë lekë për secilën foshnjë, teksa për prindërit që sjellin në jetë më shumë se dy foshnja të lindura njëherësh (trinjakë dhe më shumë), masa e përfitimit do të jetë në masën 120 mijë lekë për secilën foshnjë. Vlera e përcaktuar në çek tërhiqet në bankat e nivelit të dytë me të cilat Ministria e Shëndetësisëdhe Mbrojtjes Sociale ka lidhur marrëveshje bashkëpunimi.
Sipas autoriteteve të shëndetësisë 43,581 fëmijë të lindur gjatë vitit që sapo lamë pas janë trajtuar me bonusin e bebes, ndërkohë që duke nisur nga një janari i 2019-ës kur dhe nisi dhënia e mbështetjes direkte nëpërmjet programit të mbrojtjes sociale për të porsalindurit, këtë bonus e kanë përfituar 115,764 mijë fëmijë në të gjithë vendin.
Të drejtën e sigurimit të këtij shpërblimi
e kanë të gjithë prindërit shtetas shqiptarë për foshnja të lindura brenda ose jashtë vendit dhe të regjistruara sipas afateve ligjore të përcaktuara në ligjin për gjendjen civile. Po ashtu, nga kjo mbështetje financiare do të përfitojnë edhe prindërit me shtetësi tjetër të cilët janë rezidentë të ligjshëm në Republikën e Shqipërisë dhe vendosin t’i japin foshnjës shtetësi shqiptare, sipas ligjit për shtetësinë shqiptare dhe e regjistrojnë si shtetas shqiptar në Regjistrin e Kombëtar të Gjendjes Civile. Ndihma e menjëhershme financiare (bonusi), i jepet prindit menjëherë pas lëshimit të dokumentit “Certifikatë asistence në lindje”, në përfundim të procedurave të regjistrimit të foshnjës në Regjistrin Kombëtar të Gjendjes Civile, shumë të cilën do të mund ta marrin pranë bankës së nivelit të dytë të përcaktuar.
Ndërsa për bebet që lindin jashtë vendit ndiqet një tjetër procedurë. Mbështetur mbi Vendimin nr.288, datë 10.4.2020 “Për Përcaktimin e masës dhe të procedurës së dhënies së ndihmës së menjëhershme financiare për foshnjat e porsalindura dhe mënyrën e bashkëpunimit, ndërmjet institucioneve të shërbimit spitalor dhe atyre të gjendjes civile” bëhet e ditur se prindërit e foshnjës së porsalindur do të paraqiten për tërheqjen e çekut të bebes pranë Shërbimit Social Shtetëror në rastin kur lindja e fëmijës ka ndodhur në shërbimin spitalor jopublik të licensuar sipas legjislacionit në fuqi, si dhe në rastin kur fëmija është lindur jashtë territorit të Shqipërisë. Në të dyja këto raste prindërit e fëmijës duhet të paraqesin pranë Shërbimit Social Shtetëror tre dokumentet e përcaktuara që janë: Certifikatë e lindjes, certifikatë familjare, si dhe fotokopje të mjeteve të identifikimit të të dy prindërve.
Në rast së fëmijët kanë lindur në spitalet private, certifikata personale dhe familjare duhet të kenë në fund shënimin “Lindje në institucion jopublik (emri i institucionit), lëshohet për efekt të përfitimit të ndihmës së menjëhershme financiare” (Bonusi). Ndërsa për fëmijët që kanë lindur jashtë territorit të Shqipërisë certifikata e lindjes dhe familjare duhet të kenë në fund shënimin “Lindje jashtë shtetit, nr, aktin, datën, muajin, vitin, si dhe vendin ku ka ndodhur lindja, lëshohet për efekt të përfitimit të ndihmës së menjëhershme financiare, regjistruar brenda afatit 90-ditor (bonusi).Në rast se deklarimi i aktit të lindjes të mbajtur jashtë vendit kryhet jashtë afatit 90- ditor, nëpunësi i gjendjes civile e pajis deklaruesin me certifikatën personale e familjare me shënimin “Lindje jashtë shtetit, nr..akti, datë…, vendin ku ka ndodhur lindja, “Për përfitim të ndihmës së menjëhershme financiare bonus, regjistruar jashtë afatit 90-ditor nuk përfiton çekun prej 5 000 lekësh). Në këto raste prindi nuk përfitojnë pagesën prej 5 000 lekësh. Tërheqja e çekut bëhet personalisht vetëm nga prindi dhe afati është deri në një vit kalendarik nga dita e lindjes së foshnjës, për foshnjat e lindura brenda ose jashtë shtetit.
Sipas autoriteteve të shëndetësisë 43,581 fëmijë të lindur gjatë vitit që sapo lamë pas janë trajtuar me bonusin e bebes, ndërkohë që duke nisur nga një janari i 2019-ës kur dhe nisi dhënia e mbështetjes direkte nëpërmjet programit të mbrojtjes sociale për të porsalindurit, këtë bonus e kanë përfituar 115,764 mijë fëmijë në të gjithë vendin.