Ndjehet nevoja e futjes së një programi të veçantë edukimi në shkolla

Dërguar me email Në adresën e redaksisë

Dihet tashmë prej vitesh se kurrikula arsimore në përgjithësi dhe ajo shkollore në veçanti, ka pësuar një sërë ndryshime, si rrjedhojë e reformave që ka përjetuar arsimi ynë në tranzicion në kuadrin e prurjeve dhe qasjeve të diktuara nga proceset integruese të arsimit të përparuar europjano-perëndimor. Në kuadrin e këtyre prurjeve, në kurrikulën e shkollës përmendim si të rëndësishme ndryshimet e bëra në programet dhe tekstet shkollore në të gjitha ciklet e shkollimit, si dhe prezantimin e një sërë metodash dhe strategjish të reja në mësimdhënie, duke eleminuar metodat e vjetra të tradicionalizmit frenues në aspektin e mësimdhënies. Por nisur nga dinamikat e zhvillimeve, si dhe nga problematikat e ndodhura në jetën e vendit tonë parë në tërësi, mendoj se bëhet e domosdoshme që në shkollat tona të futet një programi të ri edukimi, që nxënësit tanë të marin edukimin e duhur dhe të mos bien preh e mjaft dukurive të ndodhura dhe të paparashikuara, ku janë përfshirë edhe vetë ata ( kryesisht mosha e adoleshencës ), që padyshim kanë ardhur nga mungesa e edukimit apo keqedukimit të tyre nga shkolla si dhe nga familja e mjedisi ku jetojnë. E ky program i ri edukimi, mendoj të futet për zbatim në mënyrë të përshkallzuar në të gjitha nivelet shkollore, përfshirë këtu edhe arsimin parashkollor. Lind pyetja cilat janë konkretisht disa nga dukuritë

që e bëjnë emergjente futjen e një programi të tillë ? Le t’i ndjekim në përvijim: 1. Divorcet e ndodhura në jetën familjare.

Po dëgjojmë vazhdimisht divorcet e ndodhura në jetën familjare, përfshirë këtu edhe çifte të moshave të reja e familjeve të reja të sapokrijuara, ku shumë prej këtyre divorceve, po ndodhin të nxituara dhe pa shkaqe thelbësore. E sigurisht ky fenomen shërbenë si model i keq edhe për brezin e ri, për të kuptuarit e drejtë të marrëdhënieve në çift si dhe të krijimit, ndërtimit dhe vlerësimit të një familje të shëndoshë dhe të konsoliduar që jeta e saj në të ardhmen, të karakterizohet nga lumturia dhe harmonia jo vetëm midis çiftit që bëhet fjalë, por edhe te fëmijët e tyre për të mos përjetuar skenare lënduese dhe të paparashikuara në marrëdhëniet midis prindërve.