Ankimoi vendimin e KLGJ pas shkarkimit, KPA shtyn me një muaj verdiktin për gjyqtaren Enkelejda Hoxha
Kolegji i Posaçëm i apelimit shtyu për një muaj vendimin për ish-gjyqtaren Enkelejda Hoxha, pasi vetë magjistratja nuk ishte dakord me KLGJ, që e shkarkoi pas arrestimit të saj nga SPaK, gjatë superoperacionit në Gjykatën e Krujës, në muajin shkurt të vitit të kaluar. Shkak për shtyrjen më 21 shkurt të mbledhjes, është bërë kërkesa e ish-gjyqtares së arrestuar, për t’u njohur me dokumentet që KLGj i ka vënë në dispozicion KPa-së, lidhur me argumentet që ka dhënë për shkarkimin përfundimtar dhe përjashtimin nga sistemi për 15 vitet e ardhshme.
Kjo kërkesë e gjyqtares u pranua nga trupa gjykuese, por me një kusht. asaj nuk do i vihen në dispozicion të gjitha dokumentet, por në përfundim të seancës do të shqyrtojë në ambientet e KPa-së të gjitha shkresat dhe do mund të marrë një kopje vetëm të atyre akteve që ajo gjykon se i nevojiten për të bërë mbrojtjen e saj.
Ndërkohë që janë zbardhur edhe disa nga diskutimet e bëra gjatë seancës, ku ish-gjyqtarja renditi pretendimet e saj. Hoxha ka kërkuar disa herë zbutjen e masës së sigurisë nga GJKKO në të dyja shkallët, por pa sukses, teksa akuzohet për korrupsion me dhënien e vendimeve dhe lirimet e parakohshme nga qelia, të të dënuarve për krime të rënda apo burgime të përjetshme. Bashkë me të u bënë edhe 10 arrestime të tjera, mes tyre mjekë, avokatë dhe sekretarja e gjykatës.
Enkelejda Hoxha u shkarkua nga detyra e gjyqtares më 17 mars 2020 dhe u la në burg nga Gjykata e apelit. Mes të dënuarve janë edhe sekretarja e Gjykatës, Emanuela Mallkuçi dhe avokati aldo tabaku. Më poshtë disa nga diskutimet në seancë: Hoxha: desha të sqaroj lidhur me shkresën që ju keni përcjellë drejtorisë së Burgjeve, për të më shoqëruar në ambientet e KPa në 13 janar, 15:00 për t’u njohur me aktet e KLGJ. Po atë ditë kam pasur 2 gjykime të tjera në GJKKO, që nuk jam paraqitur se kam qenë sëmurë dhe kam autorizuar avokatin. Nga stafi i institucionit, nga
gardianët, më është njoftuar në 13:00, efektivisht edhe e pamundur isha për t’u paraqitur, por duke parë shkresën dhe dokumentacion voluminoze, nga 11 shkurt 2021 jam e paraburgosur nuk kam mundësi që të njihem apo të punoj për këto akte, do doja që të më viheshin në dispozion të gjitha aktet.
Gjyqtarja: të njiheni në ambientet e Kolegjit, jo duke vënë në dispozicion një kopje, ekziston mundësia?
Hoxha: Edhe mund t’i shoh, po do të doja të kisha një kopje të tyre, kundrejt shpenzimeve që mund t’i mbulojnë familjarët e mi avokati: E drejtë e saj, nuk mund të shkel, e respektoj. Gjyqtarja: KLGJ dhe iLd, sa i përket kërkesës së Hoxhës për të marrë dokumentet ....
Përfaqësuesi i KLGJ: të njihet, është e drejta e saj. Përfaqësuesi i iLd: i lëmë në vlerësim të Kolegjit. Gjyqtarja: të kategorizojmë një pjesë të tyre, parja fizikisht e tyre do ishte më e domosdoshme.
Hoxha: Mund ta bëj këtë, po patjetër, mund të qëndroj dhe të kategorizojë ato akte që më nevojiten.
Gjyqtarja: KPa pranon kërkesën e ankueses për të vënë një dispozicion një kopje e akteve në fashikun e përcjellë nga KLGJ dhe të administruar në KPa, në prani të sekretarisë gjyqësore dhe do të dokumentohet nëpërmjet një procesverbale, për t’iu garantuar e drejta e mbrojtjes.