FSHF mori 2.1 milionë dollarë ndihma nga FIFA për periudhën COVID, por fondi është zhdukur pa gjurmë

Miliona nga ndërkombëtarët për klubet shqiptare, Federata si pikë transiti dhe parà që nuk mbërrijnë në destinacion. Për fat të keq, duket si një histori e cila përsëritet në vazhdimësi! Fondet e ndërkombëtarëve për klubet shqiptare, çuditërisht, devijojnë apo zhduken rrugës.

Ka ndodhur më parë me fondin e solidaritetit të UEFa-s që kishte destinacion futbollin e moshave dhe duket se historia po përsëritet me fondet që FiFa ka lëvruar për të kaluar krizën që mbërtheu futbollin nga COVid-i në dy vitet e fundit.

Që në momentin kur futbolli u ndal në të gjithë botën në mars të vitit 2020, goditja që mori ky sport ishte mjaft e rëndë, pasi klubet humbën të ardhurat direkte e indirekte nga tifozët.

Kështu, FiFa lançoi projektin “FiFa Forward 2.0”: Federatave iu lëvruan në mënyrë të menjëhershme fonde për “shërimin” nga COVid-i.

FSHF përfitoi fillimisht 600 mijë dollarë, falë kësaj platforme të FiFa-s, fond i cili është tërhequr siç tregojnë bilancet financiare, në maj 2021.

Por jo vetëm kaq. FiFa bëri të ditur se kishte përgatitur një tjetër paketë shpëtimi, prej 1,5 milionë dollarësh, të cilën federatat anëtare mund ta përdornin për të njëjtën arsye. Nga kjo paketë, 500 mijë dollarë duhet të kishin specifikisht si destinacion futbollin e femrave.

Sipas dokumenteve të publikuara nga FIFA në maj 2021, FSHF ka tërhequr deri në dhjetor 2020 shumën 1 milion dollarë nga kjo paketë – përfshirë plotësisht shumën për futbollin e femrave – dhe duhet të tërhiqte edhe 500 mijë dollarë të tjerë nga ajo që është cilësuar nga FiFa si Etapa 3 e planit të shërimit të futbollit nga COVid.

Pra, në total, futbolli shqiptar përfitoi nga FIFA 2,1 milionë dollarë për të përballuar krizën e COVID-19, nga të cilat 1,6 milionë të tërhequra brenda vitit 2020 dhe 500 mijë dollarë që i mbeteshin për t’u tërhequr gjatë vitit 2021.

KU JaNË PaRatË?

Kjo është pyetja 1- milion dollarëshe ose më saktësisht 2,1-milion dollarëshe që i është drejtuar FSHF-së. Kjo e fundit thotë se vendosi të jepte “rroga lufte” për disa nga anëtarët e saj. U caktua një rrogë prej 30 mijë lekësh për futbollistë, trajnerë, gjyqtarë apo edhe zyrtarë klubesh të cilët nuk kishin të ardhura të tjera përveç atyre të siguruara nga futbolli.

Një paketë të cilën presidenti duka e shpjegoi si të krijuar nga “kontributi i vetë administratës së Federatës, kontributi i stafit të ekipit kombëtar, duke filluar nga trajneri i ekipit kombëtar Edi Reja dhe stafi i tij”.

Sidoqoftë, kjo paketë u dha për dy muaj. Për këto pagesa FSHF ka shpenzuar në total 71 milionë lekë, siç konfirmoi zyrtarisht sekretari i përgjithshëm i institucionit, ilir Shulku, në asamblenë e fundit të përgjithshme në qershor 2021.

Pra, rreth 600-650 mijë dollarë, që nuk justifikojnë kurrsesi të ardhurat e siguruara nga FSHF nga fondet e lëvruara nga FiFa. Ora, edhe nëse paratë e ndërkombëtarëve janë përdorur për paketën e sipërpërmendur të FSHF-së, diferenca është jashtëzakonisht e madhe. Ngelen përsëri pikëpyetjet e përsëritura rreth mënyrës se si institucioni i futbollit kanalizon të ardhurat që siguron nga jashtë me një transparencë zero.