Ish-ministri Tahiri takon familjarët. do transferohet në rrogozhinë, shkak siguria?
Autoritetet dhanë leje që ish-ministri i Brendshëm, i dënuar me 3 vjet dhe 4 muaj burgim për shpërdorim të detyrës, të takojë bashkëshorten e tij, në prezencë edhe të dy avokatëve. Jahaj: “Gjendja e Tahirit e qetë, po përgatisim rekursin për në Gjykatën e Lartë”. Te Burgu 313 po mbahet nën vëzhgim prej katër ditësh, mbikëqyrja do vijojë për të paktën 10 ditë. Aty ndodhen të arrestuar me rrezikshmëri të lartë, të ndaluar gjatë kohës kur Tahiri ishte ministër
ish-ministri i Brendshëm Saimir tahiri gjendet i izoluar në Burgun 313-të “Jordan Misja” të tiranës prej katër ditësh nga dënimi i dhënë prej Gjykatës së apelit antikorrupsion, me 3 vite dhe 4 muaj burgim. Paraditen e djeshme ish-zyrtari i lartë socialist ka zhvilluar takime në ambientet e paraburgimit me familjarët dhe dy avokatët e tij mbrojtës, Maks Haxhiaj dhe dritan Jahaj. Bashkëshortja e tij kishte kërkuar nëpërmjet mbrojtësit ligjor një takim të zakonshëm, si për çdo familjar tjetër të të dënuarve apo paraburgosurve, kërkesë që edhe është pranuar.
Në një intervistë për mediat, Jahaj tregoi se tahiri ishte i qetë, ndërsa në ditët në vijim do t’i drejtohen me rekurs Gjykatës së Lartë, për të rrëzuar vendimin e apelit të GJKKO.
ish-ministri qëndron i izoluar në katin e dytë të godinës numër dy të këtij institucioni dhe në një dhomë i vetëm, i pajisur me frigorifer dhe televizor. Burime nga drejtoria e Përgjithshme e Burgjeve bëjnë me dije se, në ditët në vijim pritet transferimi i tij në burgun e Rrogozhinës, kjo për shkak se burgu i Vaqarrit është në rikonstruksion. Kjo, për shkaqe sigurie, pasi në Burgun 313 po qëndrojnë shumë nga të arrestuarit e botës së krimit, gjatë kohës që tahiri ishte Ministër i Brendshëm.
Për një periudhë 10 ditore ish-ministri do të jetë në vëzhgim nga autoritetet e burgjeve për arsye sigurie, teksa të izoluar janë edhe të dënuar me rrezikshmëri të lartë.
Rekursi në Gjykatën e Lartë parashikon një marzh prej 45 ditësh, ndaj përgjatë kësaj diference kohore, autoritetet kanë vendosur që ish-ministri të jetë i mbrojtur mirë dhe të mos cenohet.
Saimir tahiri u dënua për shpërdorim detyre, e njëjta akuzë si në procesin e parë, që Gjykata e Lartë e rrëzoi dhe urdhëroi rigjykimin. treshja e magjistratëve nuk bëri asgjë më shumë se heqjen e masës së pezullimit të dënimit të mëparshëm, teksa periudha në fjalë, nga shërbim prove iu konvertua në vuajtje të dënimit.
Një fakt interesant i çështjes ka qenë prezenca e tre gjyqtarëve të ‘etiketuar’ më parë nga DSIK apo në konflikt interesi me dosjen. Konkretisht, relatori Engert Pëllumbi ishte akuzuar nga ish-ministri gjatë vitit 2014, në listën e magjistratëve me probleme, duke i vënë në dukje 3 nga rastet e lirimit të të arrestuarve nga Policia, për akuza të rënda. duket se pala mbrojtëse dhe vetë tahiri e kanë harruar këtë element, teksa theksuan se gjyqtari duhet të ishte dorëhequr vetë, pavarësisht harresës së tyre. Edhe magjistrati tjetër aulon Kalaja, u zbulua se është vëllai i anëtarit të kshillit Kombëtar të Partisë demokratike, që e ka anetemuar vazhdimisht ish-zyrtarin socialist për çështje politike. Gjithashtu ishte relatuar nga dSiK me probleme në profesion për disa dosje, por Kalaja e kaloi Vettingun në dy shkallë. E njëjta gjë edhe me gjyqtaren e
tretë të trupës, igerta Hysi, që ishte konstatuar me probleme në dhënien e vendimeve nga dSiK, por në të njëjtën kohë e kishte kaluar Vettingun.
Pikërisht këto tre detaje do të jenë një pikëmbështetje edhe juridike, sikurse proceduriale, e palës mbrojtëse, për të paraqitur rekursin në Gjykatën e Lartë. Sipas rregullores dhe procedurave, një magjistrat me konflikt interesi duhet të dorëhiqet nga çështja me vullnet apo me kërkesë.