Katër shqiptarë sharrojnë hekurat dhe arratisen nga burgu grek
Bashkë me një 35-vjeçar pakistanez, i akuzuar si vrasës në seri, ata përfituan nga pakujdesia e rojeve në paraburgimin e Komisariatit të Chanias, duke sharruar hekurat e qelisë. Morën një kamionçinë dhe humbën gjurmët. Kush janë shqiptarët, nga krimet e vrasjes, grabitjes, grupit kriminal dhe deri te trafiku i drogës. Zbardhet skema që përdorën për t’u arratisur. Greqia jep alarmin, policia në terren për t’i kapur
Një tjetër arratisje spektakolare nga qelitë e burgjeve greke ka ndodhur dy ditë më parë në Kretë. Katër shqiptarë dhe një pakistanez kanë mundur të arratisen, teksa kanë qenë duke u transferuar në një burg tjetër, por përfituan nga rrethanat dhe rasti, duke ia mbathur.
të arrestuarit kishin mbërritur në Chania pas transferimit të tyre nga Kreta, me traget nga Pireu, mëngjesin e së shtunës, më 5 shkurt.
Katër shqiptarët dhe një pakistanez dyshohet se kanë hyrë në tualetin e qendrës së paraburgimit dhe pasi kanë prerë hekurat nga dritarja me një objekt të mprehtë, janë hedhur një nga një dhe kanë dalë në garazhin e nëndheshëm të Komisariatit të Policisë. Mungesa e të pestëve, është vënë re nga punonjësi i policisë së turnit të mëngjesit, në numërimin standard.
deri më tani policia ka mundur të sekuestrojë vetëm furgonin, me të cilin dyshohet se u larguan 5 të arratisurit. Më i rrezikshmi është 35-vjeçari pakistanez i dënuar për vrasje në seri. Kurse shqiptarët janë; Olis thoma Prifti, 43-vjeç, me origjinë nga dropulli, i është dënuar në vitin 2016 dhe nën akuzat e “pjesëmarrje në grup kriminal”, “grabitje”, “grabitje me pasojë vdekjen”, “vjedhje”, “armëmbajtje pa leje” dhe “përdorim arme.
ai u arrestua në vitin 2016, pasi mori pjesë së bashku me bandën e tij, të gjithë shqiptarë, në një grabitje, ku e vdekur mbeti një 84-vjeçare. i dyti është ardian Meta, 32 vjeç nga divjaka, i dënuar për grabitje, d.F., 34 vjeç, i dënuar për “trafik droge” dhe një një 29-vjeçar, identiteti i të cilit nuk u publikua plotësisht, me inicialet F.F., i dënuar po për trafikim droge.
tashmë një alarm rreziku është ngritur në Greqi, pasi pesë të burgosurit përbëjnë kërcënim të lartë për qytetarët. të arratisurit kanë arritur të sharrojnë hekura në dritaren e tualetit të paraburgimit dhe janë arratisur. Mediat helene publikuan edhe kamionçinën që të arratisurit përdorën për t’u larguar nga paraburgimi i komisariatit.