Martesa false, ndërtime inekzistente dhe hakmarrje ndaj bizneseve, kallëzohen 2 drejtorë dhe 5 zyrtarë

Greva e kontrollorëve të Rinasit nuk shkaktoi vetëm kaos organizativ, alarm dhe panik tek udhëtarët apo punonjësit në aeroportin “Nënë tereza”, por edhe një ‘furtunë’ institucionale dhe politike, me akuza e kundërakuza, që përfunduan me një operacion të bujshëm arrestimesh. Por gati një vit pas këtij skandali të paprecedentë, ku u lanë në tokë dhe në ajër qindra udhëtarë për disa orë, Gjykata e tiranës e “shfryn” dosjen e Prokurorisë, duke liruar nga akuza kontrollorët e dyshuar. Gjyqtarët i kërkuan prokurorëve që të gjejnë autorët e vërtetë, pasi të pandehurit në dosje rezulton se nuk kanë qenë në turnin e ditës së bojkotit të madh. Prokuroria i akuzonte 3 kontrollorët për “pengim të qarkullimit të mjeteve të transportit”, sipas Nenit 293 të Kodit Penal. Por pas 7 muajve hetime, kërkesa e Prokurorisë për t’i marrë të pandehur, u rrëzua në Gjykatë. Sipas gjyqtares Migena Laska, asnjë nga të pandehurit; “Më 7 prill 2021, datë në të cilën rezulton se në aeroportin “Nënë tereza” janë shtyrë, pezulluar, anuluar, disa fluturime ndërkombëtare të planifikuara përgjatë asaj dite, nuk kanë qenë në detyrën e tyre të mëparshme, të kontrollori. Nuk kanë qenë në asnjë prej turneve të datës 7 Prill 2021”.

Megjithatë, gjykata çmon se pavarësisht pushimit të akuzës, hetimet duhet të vazhdojnë për të identifikuar persona përgjegjës, pasi tre të pandehurit, Flora Ndreca, armand Fezga dhe Muhin Mezini, nuk e kanë kryer veprën penale për të cilën akuzohen. Një tjetër detyrë që gjykata i lë Prokurorisë është të identifikojë personat, të cilët me veprime e mosveprime konkrete kanë sjellë pengimin e fluturimeve.

dezertimi i detyrës nga kontrollorët e “albcontrol” solli asokohe edhe akuza politike mes palëve, ndërsa për disa orë,

kulla e kontrollit u mor në dorëzim edhe nga ushtria. Për të arrestuarit mes tyre edhe tre të pandehurit, prokuroria siguroi edhe përgjime nga rrjeti social “Whatsapp” që kishin ndërvepruar për të lënë punën, po për gjykatën këto prova nuk i bëjnë ata përgjegjës. Më 7 prill 2021, rreth 60 kontrollorë bojkotuan punën në “albcontrol”, duke futur në situata shumë të vështirë tranportin ajror në vend dhe duke cenuar sigurinë kombëtare.

Pjesa më e madhe e kontrollorëve të trafikut ajror ndaluan punën, me arsyetimin se “për shkak të uljeve të pagës, ata kanë pasur stres si pasojë e rënies së financave në familje dhe janë deklaruar paaftë për punë”. dhe çudia më e madhe e gjithë kësaj situate që u kthye në groteske, ishte se këta kontrollorë kishin rroga jo më pak se 2 mln lekë të vjetra në muaj, madje që shkonin deri në mbi 5 milionë lekë në raste të veçanta dhe për orë të reduktuara pune.

Ministri i Drejtësisë, Ulsi Manja, duket se po i bën ‘qilizmin’ institucioneve që ka nën varësi, duke kryer një fushatë pastrimi nga paligjshmëritë dhe abuzimet e zyrtarëve. Ditën e djeshme ai njoftoi se ka bërë nëpërmjet Njësisë Antikorrupsion, kallëzimin penal edhe për 4 punonjëse të Gjendjes Civile në Tiranë, për 2 raste të ndryshme për falsifikim dokumentesh. Manja ka thënë se është kallëzuar drejtoresha e Tatimeve Durrës, pasi “u hakmor ndaj një biznesi që ishte ankuar dhe e gjobiti biznesin me 33 mln lekë”. Gjithashtu është kallëzuar në prokurori drejtori Rajonal i Zonave të Mbrojturave, përgjegjësi dhe specialisti, që deklaruan se ekzistonte një godinë brenda një parku kombëtar, ndërkohë që godina nuk ekzistonte.

“Rasti i parë i përket B.H., e cila ka realizuar një martesë fiktive mes një të burgosur në shtetin italian dhe një qytetareje shqiptare, kundrejt pagesës. Në procesverbalin e formuluar nga zonja, bashkëshorti që në fakt ndodhej në burg ne Itali, figuron si i pranishëm këtu në Tiranë. Puna e Drejtorisë Antikorrupsion ka nisur pasi zonja që figuron bashkëshorte, ka bërë një ankesë për zhbllokimin e dokumenteve biometrikë. Pas kësaj ankese, nga speciliastët e drejtorisë sonë ka nisur hetimi që ka rezultuar në këtë falsifikim kundrejt shpërblimit nën dorë. Kemi bërë kallëzimin në prokurori për falsifikim dokumentesh nga punonjësi i gjendjes civile dhe shpërdorim detyre”, tha Manja.

Rasti i dytë ka të bëjë sërish me gjendjen civile të Tiranës. “Shtetaset S.A, E.T, dhe E.N, janë kallëzuar në prokurori me akuzën e falsifikimit të dokumenteve nga nëpunësi i gjendjes civile dhe shpërdorim detyre. Zonjat në fjalë, në bashkëpunim me njëra-tjetrën, kanë falsifikuar aktet e gjendjes civile për martesa. Janë ato martesat për të cilat ju keni dëgjuar, pra rëndom quhen për të marrë dokumentet angleze. Sepse këto martesa dyshohet se janë bërë pas dhënies së ryshfetit kundrejt këtyre punonjësve. Pas verifikimeve që kanë bërë specialistët e Drejtorisë së Antikorrupsionit, çështja është kallëzuar në Prokurori”, shtoi ministri. Rasti i tretë ka të bëjë me Agjencinë Kombëtare të Zonave të Mbrojtura. “Një godinë gjigante, me funksion bar-restorant, e ngritur brenda një parku të mbrojtur kombëtar, nuk rezulton si ekzistuese. Të paktën kështu e kanë referuar drejtori Rajonal i Zonave të Mbrojtura, përgjegjësi i sektorit dhe specialisti në raportin e tyre për vitin 2021: Pra në parkun kombëtar nuk ka asnjë lloj ndërtimi. Në adresën e njësisë Antikorrupsion në Ministrinë e Drejtësisë ka ardhur një ankesë, duke vënë në lëvizje specialistët tanë, hetim i cili ka konkluduar me kallëzim në prokurori për këta persona për shpërdorim detyre, si dhe në kërkesën për fillimin e ecurisë disiplinore për masën shkarkim nga detyra”, u shpreh ministri Manja. Për rastin e katërt ai shpjegoi se i përket Drejtorisë Rajonale të Tatimeve në Durrës. “Kemi rekomanduar tek Drejtoria e Përgjithshme e Tatimeve fillimin e ecurisë disiplinore për Drejtoreshën Rajonale të Tatimeve Durrës D. T., Përgjegjësin e Sektorit D. XH dhe inspektorin B. L., që kanë gjobitur pa kontroll fizik, pra nga zyra, me një shumë 10 milionë lekësh një subjekt në Qerret. Subjekti, me të drejtë, pas këtij veprimi ka kërkuar të drejtën e tij duke u ankuar edhe në Drejtorinë Antikorrupsion në Ministrinë e Drejtësisë. Pasi specialistët tanë kanë nisur verifikimet, nga tre të lartpërmendurit ka mbërritur ajo që unë po e quaj hakmarrje ndaj subjektit; sërish pa asnjë kontroll fizik, nga zyra, i kanë vënë një tjetër gjobë prej 33 milionë lekësh. Një abuzim i pastër, arrogant madje me pozicionin e besuar nga shteti për t’i shërbyer qytetarëve”, përfundoi Manja.