Dje, 3 viktima dhe 604 raste të reja me Covid-19
Bien infektimet me koronavirus. Ministria e Shëndetësisë bën me dije se përgjatë ditës së djeshme janë shënuar 3 humbje jete dhe
604 raste të reja infektimi në vend. Sipas të dhënave, përgjatë 24 orëve të shkuara në të gjithë vendin janë kryer 2962 testime, nga të cilat kanë rezultuar pozitivë me 604 qytetarë, në këto bashki: 222 në Tiranë, 33 në Berat, 30 në Sarandë, 27 në Fier, 26 në Durrës, 25 në Lushnje, 24 në Vlorë, 23 në Gjirokastër, 21 në Shkodër, 12 në Elbasan, 11 në Krujë, 10 në Kuçovë, 9 në Kamëz, 8 në Mallakastër, nga 7 qytetarë në Peqin, Vorë, nga 6 qytetarë në Vau i Dejës, Patos, Poliçan, nga 5 qytetarë në Dropull, Delvinë, Divjakë, Kavajë, Kurbin, Korçë, nga 4 qytetarë në Mirditë, Mat, Tepelenë, Pogradec, Devoll, Gramsh, nga 3 qytetarë në Përrenjas, Dimal, Shijak, Lezhë, Malësi e Madhe, nga 2 qytetarë në Kukës, Roskovec, Libohovë, Përmet, Memaliaj, Maliq, Skrapar, nga 1 qytetar në Finiq, Konispol, Himarë, Bulqizë, Dibër, Tropojë, Has, Pukë. Fatmirësisht vijon të jetë i lartë numri i të shëruarve. Autoritetet shëndetësore sqarojnë se dje janë shëruar edhe 1505 qytetarë, duke e çuar numrin e të shëruarve në 252,982 që nga fillimi i epidemisë
Janë 10,636 pacientë aktivë me koronavirus në të gjithë vendin, ku aktualisht në spitale po marrin trajtim 124 pacientë, nga të cilët 17 janë në gjendje më të rënduar. “Në 24 orët e fundit me gjithë përpjekjet e stafit mjekësor ka tre humbje jete me SARS-COV2 pozitiv: një qytetar nga Durrësi 65 vjeç, dy qytetarë nga Tirana të moshave 71-76 vjeç”, raportoi dje Ministria e Shëndetësisë dhe Mbrojtjes Sociale, teksa u bëri apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mund të vaksinohet në qendrën shëndetësore ose në pikën më të afërt të vaksinimit të përqendruar.