Burg për punëtorin e ‘shtëpisë së barit’ në Ndroq, lirohen dy elektricistët, në kërkim pronarja
Gjykata refuzoi kërkesën e Eriban Dajës për 3 mijë euro garanci të ofruara, me qëllim lirimin e parakohshëm, u kap në flagrancë brenda shtëpisë fermë, me 124 rrënjë kanabisi dhe pajisje moderne për kultivimin. “Arrest shtëpie” për faturistin dhe elektricistin, mohojnë të kishin dijeni apo të jenë implikuar. Identifikohet qiramarrësja e banesës në Pinet, në kërkim Rudina Xhambazi. I la shitëses së fshatit numrin e celularit për faturistin. Pronari i banesës, emigrant në Austri
Gjykata e tiranës la dje në masën e sigurisë “arrest me burg” Eriban dajën, të dyshuarin që u gjet brenda në ‘shtëpinë e barit’, e zbuluar në fshatin Pinet të Ndroqit, në tiranë, gjatë operacionit antikanabis të ditës së premte, e që u shtri në të gjithë vendin. i ndaluari ka deklaruar se është i gatshëm të lërë garanci 3000 euro për të qenë i lirë, duke mohuar edhe akuzat e implikimit në kultivim dhe trafikim, por gjykata nuk ia ka pranuar. Prokuroria dyshon se ai është i përfshirë në këtë rrjet të mirëorganizuar të kultivimit me metoda bashkëkohore të lëndëve narkotike dhe se mendohet që mund të ketë qenë punëtori kujdestar për bimët. Ndërkohë që u lanë në arrest shtëpie, faturisti Erjon Mema dhe elektricisti Qemal Hasa. Shefi i OSHEE-së së zonës deklaroi se kishte dyshuar për sasitë e mëdha të energjisë elektrike që harxhoheshin në banesën përdhese në këtë fshat, me një familje që mendohej se pronari ishte në austri dhe e kishte lëshuar me qira, por që tejkalonte çdo lloj shpenzimi për banorët e kësaj zone rurale. Ky dyshim më tej çoi në dyshimin se edhe inspektori i policisë së zonës mund të ishte i implikuar në rrjet, kurse SHÇBa bëri përgjimet e para dhe vëzhgimet në terren, duke çuar më tej FNSH-të dhe Policinë e Tiranës në terren. Goditja finale dha rezultate me sekuestrimin e dy banesave, njëra prej të cilave e kthyer totalisht në “shtëpi bari”, ku u korrën qindra bimë të mbjella. Por prokurorët tashmë kanë arritur të zbulojnë edhe drejtueset e rrjetit, që janë dy gra, një nga të cilat i ka lënë shitëses së fshatit edhe numrin e saj të celularit, porosi për faturistin e OSHEE-së. SHÇBA ishte e para që nisi hetimet dhe përgjimet, duke marrë edhe celularin e inspektorit të zonës për ekspertim, me qëllim zbulimin e tabulateve dhe bisedave telefonike.
SHÇBa njoftoi se banesa funksiononte si fermë dhe laborator hashashi. autoritetet hetimore kanë marrë në pyetje një punonjës të një agjencie imobilare, që ka ndërmjetësuar marrjen e shtëpisë me qira, nga një grua me emrin Rudina Xhambazi. Ndërkohë që një banor i zonës ka deklaruar në polici se ‹të shtunë dhe të diel shikoja dy gra me fëmijë në oborrin e banesës›. Po në dosje, thuhet se shitësja në një dyqan në fshat ka treguar se një grua i ka dorëzuar numrin me porosinë ‹të më marrë në telefon faturisti i OSHEE›. Faturisti ka deklaruar se kontrollin e fundit të matësit të energjisë e ka bërë në muajin nëntor.
Operacioni u krye pasditen e 11 shkurtit, në një banesë të përshtatur për kultivimin e kanabisit në zonën e Ndroqit. tashmë në kërkim është shpallur 32-vjeçarja e identifikuar si Rudina Xhambazi, që gjithashtu rePolicia zulton se kishte marrë me qira banesën afër xhamisë së fshatit dhe e kishte përshtatur si ambient për kultivimin në kushte laboratorike të bimëve narkotike kanabis sativa. Në bashkëpunim me 32-vjeçaren punonte edhe shtetasi Eriban daja, 29-vjeç, i cili arrestua në flagrancë brenda ‘shtëpisë së barit’, teksa kujdesej për bimët narkotike.
Qemal Hasa (elektricist), 47 vjeç dhe Erion Mema, (faturist), 26-vjeç. Sipas policisë 2 punonjësit e OSHEE-së, nuk kanë konstatuar lidhjet e paligjshme të energjisë elektrike në këtë ambient, në zonën që ata kishin në monitorim. Ndërkohë gjatë kontrollit të telefonit të Erion Memës, iu gjetën programe për vendosjen e lotove sportive. Në hetim është vënë edhe një punonjës policie në zonën e Ndroqit, adrian Malliku, 39 vjeç. Gjatë zhvillimit të operacionit janë sekuestruar 247 bimë kanabis të kultivuara në vazo, 45 ushqyes elektrikë, 46 llamba elektrike, 11 freskuese, shuma prej 120.000 lekë të rinj dhe 7 aparate celulare.