Dje, 3 viktima dhe 449 raste të reja infektimi me Covid-19
BILANCI
Nga testimet e kryera tek rastet e dyshuara përgjatë 24 orëve të shkuara janë regjistruar 449 qytetarë të infektuar me koronavirus, teksa janë shënuar edhe 3 humbje jete. Fatmirësisht vijon të jetë i lartë numri i të shëruarve, ndërkohë që edhe gjendja me shtrimet në spitale mbetet qëndrueshme.
Sipas të dhënave të bëra publike dje në të gjithë vendin janë kryer 2,789 testime, nga të cilat kanë rezultuar pozitivë me koronavirus 449 qytetarë, në këto bashki: 164 në Tiranë, 28 në Sarandë, 24 në Fier, 22 në Durrës, 21 në Berat, 15 në Elbasan, 14 në Gjirokastër, 13 në Shkodër, Vlorë, 12 në Lushnje, 9 në Mallakastër, 8 në Kamëz, 7 në Kavajë, Delvinë, Pogradec, Gramsh, 5 në Pukë, Lezhë, Selenicë, Kuçovë, 4 në Kukës, Patos, Tepelenë, 3 në Malësi e Madhe, Himarë, Konispol, Memaliaj, Skrapar, 2 në Tropojë, Mirditë, Shijak, Krujë, Divjakë, Libohovë, Përmet, Devoll, Korçë, Poliçan, 1 në Vau i Dejës, Fushë Arrëz, Has, Kurbin, Vorë, Rrogozhinë, Dibër, Këlcyrë, Maliq, Dimal, Përrenjas. Aktualisht në të gjithë vendin janë 7,542 pacientë aktivë me Covid-19, ku prej tyre në spitalet po marrin trajtim të specializuar mjekësor 105 pacientë, nga të cilët 15 janë në gjendje më të rënduar. “Në 24 orët e fundit me gjithë përpjekjet e stafit mjekësor ka tre humbje jete me SARS-COV2 pozitiv: një qytetar nga Kurbini 78 vjeç, një qytetar nga Tirana 80 vjeç dhe një qytetare nga Tepelena 83 vjeç@, raportoi dje Ministria e Shëndetësisë dhe Mbrojtjes Sociale. Gjatë ditës së djeshme janë shëruar 884 qytetarë, duke e çuar numrin e të shëruarve në 257,975 që nga fillimi i epidemisë. Për të frenuar përhapjen e mëtejshme të virusit, Ministria e Shëndetësisë u bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. Po ashtu u kërkohet edhe qytetarët që kanë kaluar 6 muaj nga kryerja e dozës së dytë të vaksinës, të drejtohen në qendrat shëndetësore ose pikat e vaksinimit të përqendruar, për t’u vaksinuar me dozën e tretë përforcuese. Vaksinat antiCovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet.