“Dubai refuzon ekstradimin e eldi Dizdarit në itali, po kthehet në strehë të kriminelëve!”
Emiratet e Bashkuara Arabe i japin një tjetër goditje drejtësisë së dy vendeve. I njohur si Denis Matoshi, kërkohej në kuadër të operacionit “Kompania Bello” në Itali-Shqipëri, për kartelin shqipfolës të trafikut të kokainës, nga Amerika Latine për në Europë. U arratis dhe fsheh në Dubai para dy vitesh. Vendi arab ka rrëzuar edhe kërkesën për ekstradimin e Florenc Çapjas
Një tjetër goditje e fortë për drejtësinë shqiptare dhe jo vetëm, nga ana e Emirateve të Bashkuara arabe. denis Matoshi, i njohur ndryshe edhe si Eldi dizdari, i arrestuar në dubai prej gati dy vitesh, si pjesë e organizatës kriminale ndërkombëtare shqipfolëse “Bello”, të trafikut të kokainës, nuk do të ekstradohet në itali. Lajmin e kanë publikuar dje mediat belge. Belgjika thekson se Emiratet e Bashkuara arabe nuk kanë lejuar ekstradimin e Matoshit, por edhe të kriminelit të famshëm të “Camorra”, Rafaele Imperiale. Dubai tashmë është konfirmuar si ‘oazi’ i ViP-ave të krimit, të cilët mjaftojnë të shkojnë atje, të aplikojnë për azil dhe të mos ekstradohen kurrë, pavarësisht veprave penale që kanë kryer dhe vendimeve të gjykatave respektive. Nëse më herët ishte refuzuar interpol tirana në disa raste, së fundmi goditje ka marrë edhe drejtësia në itali.
Shkak për këtë lajm të mediave belge është bërë arrestimi në Emiratet e Bashkuara arabe i të shumëkërkuarit nga Belgjika për trafik kokaine, Farhan Bouzambou. Mediat belge ngrenë pikëpyetje lidhur me ekstradimin e tij në të ardhmen, duke sjellë për analogji rastin e shqiptarit dhe italianit, të cilët nuk janë ekstraduar nga autoritetet e Emirateve të Bashkuara arabe. “denis Matoshi, alias Eldi dizdari, një nga bosët më të mëdhenj të drogës, i arrestuar në dubai si pjesë e organizatës kriminale të trafikut të kokainës, nuk do të ekstradohet në itali”. Kështu shkruante një media në Belgjikë, ku nënvizon se, “Emiratet e Bashkuara arabe nuk kanë lejuar ekstradimin e Matoshit, por edhe të kriminelit të famshëm të Camorra, Rafaele imperiale”. Në artikull, Matoshi cilësohet si ‘mbreti i drogës shqiptare’.
Për Belgjikën, ekstradimi i Bouzambou do të jetë një rast i rëndësishëm provë. Ministri i drejtësisë Vincent Van Quickenborne nënshkroi një traktat ekstradimi në abu dhabi vitin e kaluar, por deri më tani ai nuk ka dhënë asnjë rezultat. Ndërkohë mediat belge e konsiderojnë dubain si shtëpinë e kriminelëve, ku mund të lëvizin të lirë dhe pa u ekstraduar në vendet ku kanë kryer krimet e tyre.
Më herët, dubai kishte rrëzuar edhe kërkesën e drejtësisë shqiptare për një tjetër të shumëkërkuar për organizatë kriminale në Elbasan, pikërisht Florenc Çapjas, i cili ka ofruar edhe 50 mijë dollarë garanci bankare për azilin që i është dhënë paraprakisht.
dizdari akuzohet si kreu i një karteli shqipfolës të kokainës, nga amerika Latine për në Europë, e madje si një prej krerëve të saj. Gjithashtu ka dalë edhe i implikuar në ngjarjen e njohur si “Masakra e ish-Bllokut” në tiranë, me 1 të vrarë dhe 3 të plagosur.