ILD kërkon masë për 2 prokurorët që liruan ramën: Vrasja e policit hoxha mund të ishte shmangur!
Mbyllet hetimi procedurial nga Inspektoriati, Artur Metani i kërkon KLP-së masë ndëshkimore me “vërejtje publike” për dy magjistratët e Prokurorisë Lezhë. Termodinamika e tyre ndikoi në ngjarjen fatkeqe të 28 shtatorit 2021 në Vain. Dëshmori Saimir Hoxha u vra në krye të detyrës, gjatë operacionit antidrogë. Por shkeljet e dy prokurorëve çuan në lirimin e 21-vjeçarit Aldi Rama. Nëse do ishte në qeli, s’do kishte ndodhur vrasja
Nëse 2 prokurorët e dosjes do ta kishin bërë punën e tyre sipas procedurave të Kodit Penal dhe ligjit, efektivi i krimeve në Policinë e Lezhës, dëshmori Saimir Hoxha, mund të mos ishte ekzekutuar nga 21-vjeçari aldi Rama, mëngjesin e 28 shtatorit të kaluar. Ky krim i rëndë mund të mos kishte ndodhur, nëse hetimet do ishin bërë brenda afateve dhe i riu do të ishte pas hekurave, pasi ishte arrestuar më parë nga vetë viktima për posedim droge. Kjo termodinamikë fatkeqe në abuzim të dyshuar detyre nga magjistratët, dukshëm ka sjellë rezultatin fatal për nënkomisarin.
Në këtë përfundim ka dalë inspektori i Lartë i drejtësisë, artur Metani, i cili ka vënë re shkelje dhe parregullsi dhë kërkon procedim disiplinor për prokurorët. Në kërkesën e drejtuar Këshillit të Lartë të Prokurorisë, iLd kërkon hetimin ndaj dy magjistratëve, emrat e të cilëve nuk publikohen për momentin, pasi “pasojë e veprimeve të kryera ka ardhur pasoja e rëndë e humbjes së jetës së policit”.
iLd konkludon se “si rezultat i veprimeve dhe mosveprimeve në mospërmbushje të detyrës funksionale, si prokuror gjatë hetimeve paraprake, prokurori F. G., ka bërë dorëzimin e akteve të procedimit penal në gjykatë, në tejkalim të afatit të paraburgimit për të pandehurin, ç’ka ka sjellë për pasojë konstatimin nga ana e gjykatës, të shuarjes së masës së sigurimit “arrest në burg” dhe ka caktuar për aldi Ramën “arrest në shtëpi”. Kjo sjellje, sipas iLd përbën “mospërmbushje të detyrës së prokurorit, të cilit i është dhënë atributi kushtetues për të ushtruar ndjekjen penale dhe kontrolluar hetimet paraprake, me qëllim dërgimin e çështjes në gjykatë, në respektim të afateve ligjore procedurale penale”.
Nga ana tjetër, iLd thotë se “prokurori M.L., pa shkaqe të arsyeshme, ka lejuar moszbatimin e Udhëzimit të detyrueshëm