SITUATA NË VEND
Covid-19\Dje u regjistruan 7 viktima dhe 361 infektime të reja
Rritet numri viktimave si pasojë e Covid-19 përgjatë orëve të fundit. Në përditësimin e të dhënave, Ministria e Shëndetësisë dhe Mbrojtjes Sociale ka konfirmuar ditën e djeshme se edhe 7 persona të tjerë nuk ja kanë dalë dot që të fitojnë betejën me këtë sëmundje të rrezikshme. Sa i takon gjurmimit të rasteve të reja, gjatë 24 orëve të shkuara në të gjithë vendin janë kryer 2,478 testime, nga të cilat kanë rezultuar pozitivë me koronavirus 361 qytetarë, në këto bashki:
144 në Tiranë, 25 në Sarandë, 17 në Vlorë, 16 në Berat, 14 në Fier, 13 në Elbasan, 9 në Shkodër, Lushnje,
7 në Durrës, Delvinë, Korçë, 6 në Kamëz, Gjirokastër, 5 në Rroskovec, Mallakastër, Këlcyrë, Tepelenë, 4 në Krujë, Patos, Himarë, Memaliaj, 3 në Lezhë, Mirditë, Kavajë, Skrapar, Përrenjas, 2 në Vau i Dejës, Pukë, Fushë Arrëz, Tropojë, Kurbin, Vorë, Libohovë, Devoll, Peqin, 1 në Malësi e Madhe, Kukës, Has, Dibër, Selenivë, Konispol, Dropull, Pogradec, Poliçan, Cërrik, Gramsh, Librazhd.
Janë 6,806 pacientë aktivë me koronavirus në të gjithë vendin, ku aktualisht në spitalet Covid po marrin trajtim 92 pacientë, nga të cilët 12 janë në gjendje më të rënduar. “Në 24 orët e fundit me gjithë përpjekjet e stafit mjekësor ka shtatë humbje jete me SARS-COV2 pozitiv: një qytetar nga
Durrësi 61 vjeç, tre qytetarë nga Tirana 68-77 vjeç, një qytetar nga Elbasani 71 vjeç, një qytetar nga Kuçova 76 vjeç, një qytetar nga Korça 79 vjeç”, bën me dije Ministria e Shëndetësisë dhe Mbrojtjes Sociale. Po gjatë ditës së djeshme janë shëruar 1,090 qytetarë, duke e çuar numrin e të shëruarve në 259,065 që nga fillimi i epidemisë.
Ministria e Shëndetësisë u bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqendruar. Vaksinimi është i hapur edhe për fëmijët mbi 12 vjeç me probleme të sistemit imunitar, me rekomandim nga mjeku.
Autoritetet e shëndetit u kërkojnë qytetarëve që kanë kaluar 6 muaj nga kryerja e dozës së dytë të vaksinës, të drejtohen në qendrat shëndetësore ose pikat e vaksinimit të përqendruar, për t’u vaksinuar me dozën e tretë përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Janë 6,806 pacientë aktivë me koronavirus në të gjithë vendin, ku aktualisht në spitalet Covid po marrin trajtim 92 pacientë, nga të cilët 12 janë në gjendje më të rënduar. “Në 24 orët e fundit me gjithë përpjekjet e stafit mjekësor ka shtatë humbje jete me SARS-COV2 pozitiv: një qytetar nga Durrësi 61 vjeç, tre qytetarë nga Tirana 68-77 vjeç, një qytetar nga Elbasani 71 vjeç, një qytetar nga Kuçova 76 vjeç, një qytetar nga Korça 79 vjeç”, bën me dije Ministria e Shëndetësisë dhe Mbrojtjes Sociale.