HARTA / Rriten tensionet pasi rusët bombarduan fshatin në Ukrainë, Britania: Rusia po planifikon sulm nga 7 drejtime!
tensione mes Rusisë dhe Ukrainës. Bombardimet e nisura një ditë më parë në Ukrainën Lindore janë një nisje e asaj që të gjithë kanë frike, luftës. Ushtria ukrainase ka akuzuar rusët se kanë bombarduar një fshat në rajonin e Luhanskut, duke goditur një kopsht fëmijësh. Rusët pretenduan se Ukraina ishin të parët që hapën zjarr dhe thjesht u përgjigjën.
Zëdhënësi i Vladimir Putinit , dmitry Peshkov foli për një “përshkallëzim” të situatës në donbass në Ukrainën lindore dhe iu referua “potencialit të madh të goditjes së forcave ukrainase”. Joe Biden përsëriti se rreziku i një sulmi rus është “shumë i lartë”.
Kremlini e ka akuzuar personalisht presidentin amerikan për përshkallëzimin e tensioneve dhe në përgjigje të propozimeve të SHBa për çështjet e sigurisë sqaroi se ”nuk ka pushtim rus të Ukrainës dhe as nuk është planifikuar”. Kina gjithashtu mori një qëndrim, duke nënkuptuar se Uashingtoni po vepronte në mënyrë agresive.
Moska ka njoftuar largimin e zëvendësshefit të misionit amerikan në Rusi. Uashingtoni e quajti atë një “akt të paprovokuar”, ndërsa ministri i Jashtëm rus komentoi se vendimi erdhi si përgjigje ndaj dëbimit të një diplomati të lartë rus nga ambasada në Uashington.
asambleja e Përgjithshme e OKB-së do të mblidhet më 23 shkurt për Ukrainën.
Britania e Madhe pretendon se Rusia jo vetëm që nuk ka tërhequr forcat e saj të armatosura nga kufiri me Ukrainën, përkundrazi po përgatit një sulm të mirëorganizuar ushtarak nga 7 pika ndaj fqinjit të saj.
Ministria e Mbrojtjes britanike ka publikuar një informacion në faqen e saj zyrtare në “twitter”, ku paraqet 7 drejtimet nga njësitë e armatosura ruse mund të vërshojnë drejt Ukrainës. Jo vetëm kaq, por Londra thekson se gjysma e forcave ruse ndodhen në kufirin ruso-ukrainas.
Sipas hartës, kryeqyteti Kiev do sulmohet nga 3 drejtime nga veriu i Ukrainës, 3 ofensiva do kryhen në lindje dhe një nga jugu.
Perëndimi prej ditësh akuzon Moskën se po mashtron me pretendimet se ka larguar një numër forcash ushtarake nga kufiri me Ukrainën, madje po planifikon në fshehtësi sulmin dhe pushtimin e vendit.