Trupat ruse i afrohen kufirit me Ukrainën, satelitët filmojnë tanket teksa…

Planet luftarake ruse flasin për një ‘intensitet dërrmues zjarri’ në Ukrainë që mund të vrasë ‘dhjetëra mijëra’ brenda disa ditëve të fillimit të një konflikti, kanë paralajmëruar SHBA-të, ndërsa Putini lëviz trupat e tij brenda tre miljeve nga kufiri.

Tanke, kamionë dhe artileri janë parë vetëm dy milje e gjysmë nga territori ukrainas në rajonin e Belgorodit të Rusisë, ndërsa imazhet e reja satelitore zbulojnë autokolona dhe trupa të fshehura në zonat civile dhe pyjet në Soloti dhe Valuyki – një distancë e shkurtër nga Ukraina.

Nga ana tjetër mediat e Moskës japin një tjetër panoramë të asaj që po ndodh në kufirin mes dy vendeve, në zonën që ka shpallur Pavarësinë nga Kievi. Sputnik raporton se Republikat e vetëshpallura Popullore të Donetskut dhe Luganskut (DPR dhe LPR) po vijojnë evakuimin e banorëve në mes të një përshkallëzimi të situatës pasi forcat e Kievit intensifikuan bombardimet në rajonin Donbass. “Forcat e Kievit vazhduan të bombardojnë territoret e republikave të vetëshpallura popullore të Lugansk dhe Donetsk (LPR dhe DPR) të hënën, sipas deklaratave të bëra nga misionet e republikave separatiste në Qendrën e Përbashkët për Kontrollin dhe Koordinimin mbi regjimin e armëpushimit (JÇC).

Shpërthimet vijnë në sfondin e evakuimit të vazhdueshëm të civilëve të Donbasit në Rusi, i cili filloi më 18 shkurt mes frikës së një sulmi nga forcat ukrainase. Rreth 61,000 banorë të LPR dhe DPR kanë kaluar kufirin në Rusi si pjesë e evakuimit mes përshkallëzimit në Ukrainën lindore”, raporton Sputnik.

“Pika e qartë e dobët e Rusisë është një ekonomi e bazuar në energjinë e karburanteve fosile”, tha ajo, duke iu referuar 2/3 e eksporteve të naftës, qymyrit dhe gazit.

Ajo i kërkoi Putinit të kthehet në tryezën e bisedimeve, por pohoi se nëse zgjedh luftë, do t’i përgjigjen me pasoja të rënda.