Vrau Jurgen Dukën për radhën e pagesës në market, dorëzohet pas negociatave 3-mujore ish-polici Arbër Sula. Jep dhe armën e shërbimit
Ekzekutoi mëngjesin e 14 dhjetorit në një supermarket te “irfan tomini” në kryeqytet për radhën e pagesës në kasë, vetëdorëzohet pas rreth tre muajve polici i krimeve të Policisë dibër, arbër Sula, tashmë i pezulluar nga funksionet prej Policisë së Shtetit, menjëherë pas ngjarjes. ai është autori i dyshuar për vrasjen Jurgen dukës, në një debat verbal që denigroi në përplasje fizike dhe përdorimin e pistoletës së shërbimit, me një plumb fatal në zemër. “Si rezultat i presionit të kontrolleve të pandërprera nga shërbimet e Policisë dhe falë negociatave të vazhdueshme me familjarët, mbrëmjen e së martës, në Komisariatin e Policisë Nr. 2, është vetëdorëzuar shtetasi a. S., (ish-punonjës Policie), ndaj të cilit Gjykata e Rrethit Gjyqësor tiranë, ka caktuar masën e sigurisë “arrest në burg” në mungesë”, thuhet në njoftimin zyrtar të Policisë së tiranës. Ngjarja ndodhi në dhjetor të vitit të kaluar, pas një konflikti për motive të dobëta, kur Sula ka qenë jashtë shërbimit. duka i ka kërkuar të paguajë para, duke i thënë me ironi se do i paguante edhe të tijat ish-efektivit dhe aty situata doli nga kontrolli. Pamjet e kamerave të sigurisë së biznesit zbardhën gjithçka, përfshi dëshmitë e shitësit dhe shokëve të viktimës, që po hetohen në gjendje të lirë për moskallëzim krimi. Viktima kishte qenë i arrestuar më parë për trafik droge në Itali, ku ishte ekstraduar dhe më pas liruar, për t’u rikthyer në Shqipëri. Mësohet se ish-punonjësi i Policisë ka dorëzuar armën e shërbimit me të cilën kreu krimin, së bashku me municionin luftarak, të cilat u sekuestruan në cilësinë e provës materiale.