Implanti për rikuperimin e dëgjimit tek fëmijët do bëhet falas në QSUT
Rruga që duhet të ndjekë pacienti nis nga zbatimi i sistemit të referimit, për të patur konsultën e shërbimit përkatës (ORL-së). Vendimin, nëse pacienti ka nevojë për këtë paketë shërbimi, e merr pikërisht shërbimi përkatës në QSUT. Më pas pacienti drejtohet në zyrat e Fondit të Sigurimeve të Detyrueshme të Kujdesit Shëndetësor ku bën regjistrimin. Pacienti fillimisht regjistrohet në institucionet shëndetësore publike në përputhje me kapacitetet e lira të raportuara pranë zyrës së Fondit, dhe në rast se në datën e përcaktuar, nuk ka vende të lira në institucionin shëndetësor publik, atëherë nëpunësi i autorizuar i sektorit bën regjistrimin e pacientit në mënyrë të barabartë në institucionet shëndetësore private të kontraktuara nga Fondi, pranë të cilave ndërhyrja do të kryhet falas
Sipas studimeve, në vendin tonë rezulton se 2 bebe në 1000 lindje normale dhe 1-2 bebe në 1000 lindje problematike, paraqesin probleme dëgjimi. Ja cilët janë faktorët më të shpeshtë që ndikojnë në humbjen e dëgjimit, si dhe masat që duhen marrë për ta parandaluar
Implanti koklear për fëmijët e lindur me humbje të thellë të dëgjimit do të vijojë të rimbursohet nga shteti edhe përgjatë këtij viti. Nëpërmjet zbatimit të sistemit të referimit, fëmijët që vuajnë nga kjo problematikë shëndetësore do të mund të kryejnë implantin për rikthimin e dëgjimit, procedurë e cila do të kryhet falas pranë strukturave të posaçme të Shërbimit të ORLsë në Qendrën Spitalore Universitare “Nënë tereza”. Në “ditën Botërore të dëgjimit”, ministrja e Shëndetësisë dhe Mbrojtjes Sociale ka konfirmuar vijimin e ofrimit të kësaj pakete shërbimi tepër të kushtueshme falas edhe përgjatë vitit 2022. Sipas planifikimeve të bëra, Shërbimi i ORL parashikon kryerjen e rreth njëzet ndërhyrjeve në vit. Lidhur me problematikën e humbjes së dëgjimit, sipas studimeve të kryera, në vendin tonë rezulton se 2 bebe në 1000 lindje normale dhe 1-2 bebe në 1000 lindje problematike paraqesin probleme dëgjimi dhe një përqindje e mirë e këtyre rasteve kërkon kryerjen e implantit për rikuperimin e dëgjimit.
“Është me të vërtetë një arritje për Qendrën Spitalore Universitare “Nënë tereza”, sepse tashmë prej vitit 2020 ne kemi kryer më shumë se njëzet implante kokleare, pesë në vitin e parë dhe pesëmbëdhjetë gjatë vitit të shkuar dhe planifikojmë që këtë vit të kryejmë mbi 20 implante, ku 5 të parat i kemi kryer në këto ditë. Unë jam shumë e lumtur që jo vetëm proçedura e implantimit që tashmë kryhet në QSUt dhe rimbursohet 100 për qind nga shteti, që është një procedurë me të vërtetë e kushtueshme, por shëndeti i fëmijëve nuk ka çmim, por kemi siguruar edhe rehabilitimin, një proçes kaq shumë të nevojshëm për ta plotësuar këtë ndërhyrje, siç është shërbimi i logopedisë”, ka deklaruar gjatë ditës së djeshme ministrja Manastirliu.
Hapat për marrjen e këtij shërbimi falas
Sipas ekspertëve të shëndetit, rruga që duhet të ndjekë pacienti nis nga zbatimi i sistemit të referimit, për të patur konsultën e shërbimit përkatës (ORL-së). Vendimin, nëse pacienti ka nevojë për këtë paketë shërbimi, e merr pikërisht shërbimi përkatës në Qendrën Spitalore Universitare “Nënë tereza”.
Më pas pacienti drejtohet në zyrat e Fondit të Sigurimeve të detyrueshme të Kujdesit Shëndetësor ku bën regjistrimin. Pacienti fillimisht regjistrohet në institucionet shëndetësore publike në përputhje me kapacitetet e lira të raportuara pranë zyrës së Fondit, dhe në rast se në datën e përcaktuar, nuk ka vende të lira në institucionin shëndetësor publik, atëherë nëpunësi i autorizuar i sektorit bën regjistrimin e pacientit në mënyrë të barabartë në institucionet shëndetësore private të kontraktuara nga Fondi.
Pacientit i merren të dhënat anagrafike dhe adresa, për t’u kontaktuar më pas nga Fondi në momentin e krijimit të mundësisë për marrjen e shërbimit. Financimi është në masë të njëjtë, pra 100 për qind, si në institucionet shëndetësore publike, ashtu dhe në ato jopublike, e thënë më thjeshtë, pacienti nuk paguan asgjë shtesë. Edhe spitali jopublik, që ka kontratë me Fondin, është i detyruar të trajtojë pacientët e referuar nga Regjistri Kombëtar i Paketave të shërbimeve dhe nuk aplikon pagesë ndaj pacientëve të referuar nga Fondi.
Ndikimet e humbjes së dëgjimit
autoritetet e institutit të Shëndetit Publik sqarojnë se humbja e dëgjimit është një çështje e rëndësishme shëndetësore me një ndikim të madh tek individi, familja dhe një barrë e rëndë me kosto të lartë për shëndetin publik. Në “ditën Botërore të dëgjimit”, synohet të rritet ndërgjegjësimi për parandalimin e tij, por gjithashtu të theksohet se ndërhyrjet efektive dhe në kohë mund të sigurojnë që njerëzit me këtë tipologji të jenë në gjendje të zhvillojnë potencialin e tyre të plotë.
“Fushata e këtij viti që po realizohet nën moton “Për të dëgjuar gjithë jetën, dëgjo me kujdes” fokusohet në rëndësinë dhe mjetet e parandalimit të humbjes së dëgjimit nëpërmjet dëgjimit të sigurt, me mesazhet kryesore të tilla, si: Është e mundur të kesh dëgjim të mirë gjatë gjithë jetës përmes kujdesit ndaj veshëve dhe dëgjimit, shumë shkaqe të zakonshme të humbjes së dëgjimit mund të parandalohen, duke përfshirë humbjen e dëgjimit të shkaktuar nga ekspozimi ndaj tingujve të lartë ‘dëgjimi i sigurt’ mund të zbusë rrezikun e humbjes së dëgjimit të lidhur me ekspozimin rekreativ ndaj zërave”, sqarojnë specialistët e iSHPsë.
Njё nga ndikimet kryesore qё humbja e dёgjimit ka tek individi ёshtё paaftёsia komunikuese me tё tjerёt. Te fёmijёt me shurdhёsi, zhvillimi i tё folurit ёshtё i vonuar. Humbja e dёgjimit dhe sёmundjet e veshit, tё tilla si “otiti media”, kanё efekte negative nё mbarëvajtjen e fëmijëve nё shkollё. Humbja e dёgjimit çon nё kufizim tё qasjes pёr shumё shёrbime. Gjithashtu, pёrjashtimi nga komuniteti ka njё ndikim domethënës nё jetёn e pёrditshme duke krijuar ndjenjёn e vetmisё, izolimit dhe nёnshtrimit, veçanёrisht tek individёt e rritur. Nёse njё fëmije me shurdhёsi të lindur nuk i jepet mundёsia tё mёsojё gjuhёn e shenjave herët, ai do tё ndihet i pёrjashtuar nga ndёrveprimet sociale. Krahas ndikimit social, humbja e dëgjimit mbart edhe pjesën e vet të ndikimit ekonomik. Nё vendet nё zhvillim, fёmijёt me humbje tё dёgjimit rrallё ndjekin shkollёn. Tё rriturit me humbje tё dёgjimit kanё njё shkallё tё lartё papunёsie, duke patur njё kosto tё lartё pёr individin, familjen dhe shoqёrinё.
Faktorët e shpeshtë që ndikojnë
Humbja e dёgjimit mund tё rezultojё nga shkaqe gjenetike, komplikacione gjatё lindjes, disa sёmundje infektive, infeksione kronike tё veshit, pёrdorimit të disa mjekimeve specifike, moshimi, si dhe ekspozimi nё njё ambient tё zhurmshёm. Por, duhet të dimë që rreth 60 për qind e humbjes së dëgjimit në fëmijëri ndodh nga shkaqe të parandalueshme. Ndërhyrjet për të parandaluar, identi