Del fondi me mijëra pyetje rreth testimit që do të zhvillohet në QSHA

Konkurrimi për kuotat e 2022: Aplikimet për garuesit mbyllen të hënën, kriteret mbi të cilat do të bëhet kualifikimi i kandidatëve që do të mund të vijojnë fazën e dytë, që është testimi i informatizuar. Skema e vlerësimit me pikë, për mesataren e studimeve dhe testimit

Ehëna shënon dhe afatin e fundit për të gjithë kandidatët që duan të garojnë për të vijuar studimet e specializimeve afatgjata në fushën e mjekësisë përgjatë këtij viti akademik. autoritetet e Universitetit të Mjekësisë bëjnë me dije se pranimi i dosjes së aplikimeve për fazën e parë të konkurrimit do të përfundojë të hënën rreth orës 15:00.

Të drejtën e kualifikimit do e sigurojnë të gjithë kandidatët që kanë aplikuar brenda afateve të përcaktuara, ndërkohë që plotësojnë këto kritere: të kenë përfunduar studimet në programet e ciklit të dytë ku të jenë pajisur me diplomën përkatëse, të kenë kryer me sukses provimin përkatës të shtetit dhe të kenë fituar të drejtën e ushtrimit të profesionit brenda ose jashtë vendit, të zotërojnë të paktën një nga pesë gjuhët e huaja të përcaktuara, anglisht, italisht, frëngjisht, gjermanisht dhe spanjisht. Nga gara do të skualifikohen të gjithë kandidatët që janë duke kryer, ose që kanë kryer një program specializimi afatgjatë, ose që kanë jo më pak se dy muaj të çregjistruar nga një program specializimi nga data e parë e aplikimit për këtë program.

Fondi me pyetjet rreth testimit të informatizuar

dekanatet e fakulteteve përkatëse, pas kryerjes së verifikimeve për të gjitha dosjet e dorëzuara në afatet e aplikimit, do të shpallin brenda datës 14 mars listën përfundimtare të kandidatëve që do të vijojnë garën duke iu nënshtruar testimit të informatizuar që do të zhvillohet në ambientet e Qendrës së Shërbimeve të arsimit (QSHa). Bashkë me listën do të shpallet edhe kalendarin i zhvillimit të testimit të informatizuar.

Në ndihmë të gjithë kandidatëve që kalojnë fazën e parë të konkurrimit është shpallur tashmë edhe fondi me mijëra pyetjet rreth të cilave do të hartohet teza finale e provimit për çdo specialitet mjekësor. Fondin e detajuar të afro 2 mijë pyetjeve të detajuar për programet e specializimeve që përfshin Fakulteti i Mjekësisë, si dhe rreth 3 mijë pyetjet për programet e Fakultetit të Mjekësisë dentare i gjeni të plota online në faqen zyrtare të Universitetit të Mjekësisë në adresën www.umed. edu.al. teza e provimit do të ketë në përmbajtje vetëm pyetje me alternativa, çka do të mundësojë edhe daljen e rezultatit në përfundim të kohës së zhvillimit të testit.

Vlerësimi me pikë i çdo garuesi

autoritetet e Universitetit të Mjekësisë bëjnë me dije se vlerësimi me pikë i çdo kandidati do të bëhet konform rregullores përkatëse të specializimeve afatgjata, sipas të cilës përcaktohet se: “Çdo kandidat do të vlerësohet me maksimumi 1000 pikë, prej të cilave 300 pikë do të sigurohen nga mesatarja e studimeve të larta (ku si notë mesatare do të konsiderohet nota mesatare e ponderuar e të gjitha viteve të studimeve universitare të kryera, përfshirë këtu edhe diplomimin), si dhe 700 pikë që do të fitohen nga vlerësimi i testimit të informatizuar që do të zhvillohet në QSHa gjatë javëve në vijim.

Komisioni i vlerësimit shpall listën e kandidatëve të kualifikuar duke i renditur sipas pikëve kumulative në rendin zbritës. Kandidatët që kanë grumbulluar jo më pak se sa 380 pikë nga numri i pikëve totale të konvertuara, do të mund të kualifikohen në procesin e përzgjedhjes së programit të specializimit afatgjatë, sipas numrit të kuotave të miratuara për çdo program studimi, përzgjedhje e cila do të bëhet sipas sistemit të meritës. Çka do të thotë se do të shpallen fitues kandidatët që

kanë pikët më të larta referuar numrit të kuotave të miratuara për program studimi. Zgjedhja e programit të specializimit nga fituesit

“Zgjedhja e programit të specializimit afatgjatë do të bëhet brenda 2 ditëve nga shpallja e rezultateve përfundimtare, përfshirë dhe procedurat e ankimimit sipas afateve të përcaktuara në rregulloren e specializimeve. Të drejtën e regjistrimit si fitues e kanë aq persona sa janë edhe kuotat e caktuara në programin e specializimit përkatës, sipas rendit zbritës të pikëve totale. Kështu, zgjedhja e specializimit bëhet në mënyrë transparente nga vetë kandidatët fitues sipas rendit zbritës të pikëve të shpallura në listën përfundimtare të ndërtuar në bazë të pikëve të marra nga çdo garues, si dhe në përputhje me kuotat e miratuara nga Senati akade

Të drejtën e kualifikimit do e sigurojnë të gjithë kandidatët që kanë aplikuar brenda afateve të përcaktuara, ndërkohë që plotësojnë këto kritere: të kenë përfunduar studimet në programet e ciklit të dytë ku të jenë pajisur me diplomën përkatëse, të kenë kryer me sukses provimin përkatës të shtetit dhe të kenë fituar të drejtën e ushtrimit të profesionit brenda ose jashtë vendit, të zotërojnë të paktën një nga pesë gjuhët e huaja të përcaktuara, anglisht, italisht, frëngjisht, gjermanisht dhe spanjisht. Nga gara do të skualifikohen të gjithë kandidatët që janë duke kryer, ose që kanë kryer një program specializimi afatgjatë