SPAK godet 5 grupe kriminale të narkotrafikut, 44 urdhër-arreste
Tre vite hetimi dhe aksion në shkallë të gjerë në 6 qytete të vendit, bashkë me Policinë e Shtetit. 33 të arrestuar gjatë ndërhyrjeve, dy prej tyre në gjendje të lirë dhe 13 të arrestuar më herët, që ndodhen në paraburgime. Dy nga të prangosurit janë policë në Gjirokastër dhe Tepelenë, akuzohen se bashkëpunonin me të dyshuarit. Lista me emrat dhe akuzat e Prokurorisë së Posaçme
Prokuroria e Posaçme ka shtrirë dorën e prangave pothuajse në të gjithë vendin me një operacion të madh ditën e djeshme, duke shkatërruar 5 grupe kriminale, me aktivitete të ndryshme dhe kryesisht në trafiqe, ku të përfshirë rezultojnë edhe efektivë të policisë. Një hetim i nisur tre vite më parë nga SPaK dhe Policia e Shtetit, u finalizua dje operacioni i koduar “Five”, me shpërndarjen e urdhër-arresteve për 44 persona, të përfshirë në trafik, prodhim dhe kultivim të drogës, si pjesë e grupeve të strukturuara kriminale. 35 urdhërarreste bëhet me dije se janë ekzekutuar, ku në burg janë lënë 33 persona, teksa një është në arrest shtëpie dhe një në detyrim paraqitjeje. Kurse personat e tjerë janë nën hetim në gjendje të lirë apo të shpallur në kërkim. Mësohet se 13 prej listës së të ndaluarve, ishin ndërkohë të arrestuar më parë dhe gjendeshin në paraburgim prej muajsh.
Gjatë hetimeve, SPaK ka mundur të evidentojë 13 episode kriminale të trafikimit, prodhimit dhe shitjes së narkotikëve, si dhe kultivimit të bimëve narkotike në Vlorë, tepelenë, durrës, Tiranë, Lezhë dhe Prrenjas, qytete ku edhe u shtri operacioni i zhvilluar përgjatë të enjtes. Veprat e dyshuara kriminale janë kryer gjatë periudhës nga muaji mars 2019, deri në nëntor të vitit 2020.
Përgjatë 36 muajve hetime, SPaK arriti të provojë veprimtarin kriminale të pesë grupeve të ndryshme, për të cilët Gjykata e Posaçme firmosi 42 masa “arrest në burg”, mes tyre edhe dy efektivë policie.
“Gjatë hetimeve të Prokurorisë së Posaçme rezultoi se Fejzi Meçaj, punonjës policie në Komisariatin e tepelenës dhe adriatik Logli, efektiv i Policisë së Gjirokastrës, kanë konsumuar veprën penale të “shpërdorimit të detyrës”, ndërsa kanë lehtësuar punën e trafikantëve për trafikimin e lëndëve narkotike”, thuhet në njoftimin zyrtar. Në veçanti, në qytetin e Vlorës u prenë 8 urdhërarreste, të ekzekutuara janë gjashtë prej tyre. Një prej personave të kërkuar nuk u gjet në banesë, ndërsa një tjetër rezultoi të ishte arrestuar më herët, për vepra të tjera penale.
SPaK njoftoi edhe listën e të ndaluarve, ku në pranga ranë: denardo dervishi, Fejzo Meçaj (punonjes policise SPZ, tepelenë), Ervin Llana, armand Koçiu, Servan Kerbizi, Xhuliano aliu, Kristi dauti, Sefer dukaj, Fiodor Runaj, Hyrjet Runaj, Hader Runaj, ardian Kastrati, Xhavit Filja, adriatik Logli, (punonjës policie pranë dVP Gjirokastër), Valmir Polisi, Fadil demaj, Landi Lezi, Erjon Kalemi dhe Bujar Brahaj.
Gjithashtu, janë ekzekutuar masat e sigurisë “arrest në burg” për personat e mëposhtëm, të cilët aktualisht janë duke vuajtur dënimin, për vepra të tjera penale: Elton Ukaj, Marjano Beta, Mikel Ziflaj, Sokol Beqiraj, Marjus tarataraj, aleks Meçorapaj, abedin Llajaj, ardit Petraj, Neritan Lamaj, Hetem Velaj, Lleonidha Koçiaj, Klodian delaj, Kastriot Lalaj dhe Ertjan Pjetërgjokaj.
•
•
•
•
•
•
•
•
•
•
•
Denardo Dervishi Fejzo Meçaj, polic, Tepelenë
Ervin Llana Armand Koçiu Servan Kerbizi Xhuliano Aliu Kristi Dauti
Sefer Dukaj
Fiodor Runaj Hyrjet Runaj
Hader Runaj
•
•
•
•
•
•
•
•
ardian Kastrati Xhavit Filja adriatik Logli, polic Gjirokastër Valmir Polisi Fadil demaj Landi Lezi Erjon Kalemi Bujar Brahaj Elton Ukaj Marjano Beta Mikel Ziflaj
•
•
•
•
•
•
•
•
•
•
•
Sokol Beqiraj Marjus tarataraj aleks Meçorapaj abedin Llajaj ardit Petraj Neritan Lamaj Hetem Velaj Lleonidha Koçiaj Klodian delaj Kastriot Lalaj Ertjan Pjetërgjokaj