Një bilbil holandez hedh në kosh milionat e sheikut, Perez i ‘bën’ gol Al-Khelafit

Reali e ka bërë përsëri, këtë herë me një dualitet që kalon kufijtë e fushës së blertë, në një konkurrencë të egër interesazh, diplomacie, pushteti dhe biznesi, me ‘trigloidin’ e futbollit të dekadave të fundit, të shumëakuzuarin për vjedhje trofesh, Fiorentino Perez. Përballë ishte PSG e sheikut të Katarit, Al-Khelafi dhe tensioni para ndeshjes në ndrekën e ‘bollshme’ me sallatë jeshile dhe fileto (zgjedhje ironike kjo e presidentit madrilen për “mikun” nga Parisi), u shndërrua në një lumë akuzash dhe tërbim në fund të takimit. Edhe një herë në Champions League, edhe pse ka skuadrën më të dobët të dekadave të fundit, për krenari dhe inat “të bardhët” vunë hegjemoninë dhe çuditërisht jo me lojë, por me anë të një polici holandez me bilbil, aq shumë i kritikuar në të gjitha gjykimet që i bën skuadrave dhe introvers në vendime. Pavarësisht se shihej i dyshimtë, ai i kapi pritshmëritë e kanaleve të konspiracionit, teksa me vendimin më të rëndësishëm të ndeshjes, hodhi në kosh milionat e investuara nga sheiku arab, me yje si Mbape, Messi dhe Nejmar. Ishte pikërisht minuta e 62 e takimit, kur parizienët fitonin 0-1 me gol të Mbape, kur Benzema rrëmben dukshëm me faull të rëndë topin nga këmbët e Donarumës dhe që kthehet në gol. Teksa kërkonte verifikimin në VAR, portieri italian në vend të sqarimit që japin gjyqtarët si zakonisht, mori karton të verdhë. Çuditshëm gjyqtari Makelie më herët ishte konsultuar tre herë me VAR-in për dy golat që i anuloi

PSG dhe madje atë që bëri të rregullt, por nuk denjoi të verifikonte faullin Benzema. Dhe kaq mjaftoi që ‘orteku’ psikologjik t’u rikthehej edhe njëherë francezëve në Champions. Tërbimi i Al-Khelafit arriti kulmin në përfundim, teksa shkoi te dhomat e zhveshjes së gjyqtarëve për të kërkuar llogari dhe kërcënoi për vendimet e padrejta. UEFA ka nisur verifikimet për rastin dhe sheiku rrezikon ndëshkimin bashkë me teknikun e tij dhe drejtorin sportiv Leonardo. Por ajo që mbeti nga takimi ishte fakti se Perez u hakmorr dukshëm për ‘golin’ e frikshëm të Superligës që Khalafi i bëri me të drejtat televizive, këtë herë duke ia hedhur në kosh ëndrrën e tij më të madhe, që do e bënte të pavdekshëm në botën e sportit. Teksa Superliga e Perezit ka ‘vdekur’, ilogarku i futbollit po përpiqet ta godasë PSG te investimet, që të mos bëhet ‘elefanti’ i ardhshëm i biznesit të lojës top me këmbë, por ta mbajë edhe ca kohë për vete. Dhe kjo, kur në mes është merkato me furtunën Mbape, që duket se po luan ‘bursash’ me të dy presidentët dhe shihet më afër Realit sezonin e ardhshëm.