Jahti i miliarderit rus në Shqipëri? Reagon Ministria e Infrastrukturës: Jo e vërtetë, po lundron në ujërat ndërkombëtare!
Lajmet e ditëve të fundit në mediat ndërkombëtare britanike dhe spanjolle kryesisht, se jahti luksoz 600 mln eurosh i manjatit rus të Chelsea, Roman abramovich, është zhvendosur në adriatik dhe pranë Shqipërisë, kanë bërë bujë. Edhe dje u raportua e njëjta situatë, teksa Spanja konfirmoi se mjeti lundrues me tetë kate, pishinë dhe gati 50 dhoma, ka lëvizur nga porti i Barcelonës prej ditësh. Ministria e infrastrukturës dhe Energjisë, ka reaguar menjëherë dje në lidhje me informacionet se jahti i miliarderit rus Roman abramovich ndodhet në ujërat shqiptare.
“Lidhur me lajmin e publikuar në media, për hyrjen në ujërat territorialë të Republikës së Shqipërisë, të një mjeti lundrues në pronësi të shtetasit rus, Roman abramovich, Ministria e infrastrukturës dhe Energjisë sqaron se: Nga verifikimet e kryera në sistemet e monitorimit të trafikut detar “Marine Traffic”, rezulton se mjeti lundrues “Solaris” është nisur nga Porti turistik Marina Montenegro në tivar, Mali i Zi dhe po lëviz për në jug drejt detit Mesdhe. Mjeti lundrues i mësipërm, aktualisht është duke lundruar në ujërat ndërkombëtare, midis italisë dhe Shqipërisë, në drejtim të Jugut dhe nuk ka ndaluar apo hyrë në ujërat ter
ritoriale të Republikës së Shqipërisë”, sipas njoftimit të ministrisë. Britania e Madhe po e kërkon këtë mjet për sekuestrim, në kuadër të sanksioneve ndërkombëtare ndaj manjatëve rus afër Vladimir Putin dhe Kremlinit, për shkak të luftës së nisur në Ukrainë. Më herët janë bllokuar dy jahte të tjerë nga Gjermania dhe Franca, të miliarderëve rusë.