Përdhunimi i 15-vjeçares nga i dashuri dhe 4 shokët e tij, Gjykata regjistron dosjen e Prokurorisë për proces
Pas një hetimi të mbushur me tensione dhe reagime të forta, që zgjati më shumë se një vit, dosja penale në lidhje me përdhunimin e 15-vjeçare në Mirditë, ka kaluar për gjykim prej Prokurorisë, në Gjykatën e Lezhës, për proces. Vendimi është marrë nga gjyqtari artan Hajredinaj, duke i hapur rrugë gjykimit të themelit për 5 personat e vënë nën akuzë, për veprën penale “kryerja e marrëdhënie seksuale me dhunëk me të mitur». disa seanca shtesë u zhvilluan më herët në këtë gjykatë për regjistrimin e çështjes, pasi u kërkuan hetime më të thelluara dhe prova bindëse.
Ndërkohë, avokatët e të pandehurve kanë mohuar në vazhdimësi që klientët e tyre të kenë kryer veprën penale për të cilën akuzohen, pasi referuar dhe bisedave që janë zbardhur, ka qenë vetë e mitura që i ka provokuar në vazhdimësi. Njëri nga avokatët e të akuzuarve ka kallëzuar në SPaK për «shpërdorim detyre» dhe ka kërkuar përjashtimin e prokurorit çështjes, me pretendimin se hetimet nuk janë kryer siç duhet. Kjo ka bërë që çështja të mbingarkohet edhe me faktorë të tjerë ligjorë dhe juridikë, edhe pse hetuesit kishin dëshminë e vajzës, telefonat e të dyshuarve, fotot, filmimet intime dhe mesazhet e shkëmbyera, shumë prej tyre kërcënuese ndaj vajzës.
të pandehurit e çështjes në fjalë janë; artan Kaçorri, albert Molla, Ermal tarazhi, Nikë Lleshi dhe personi me iniciale a.Gj., që u arrestuan në muajin maj 2021 nga policia, pas denoncimit të vetë vajzës 15-vjeçare, nën shoqërinë e familjarëve, e cila pretendonte se përmes shantazhit është përdhunuar me dhunë nga 5 personat për disa juaj. tashmë do të jetë gjykimi i themelit që do të vendose për fatin e 5 të akuzuarve, nëse kanë konsumuar apo jo veprën penale që pretendon Prokuroria e Lezhës. Kjo ngjarje e rëndë, e cila ndodhi në fshatin tarazh të Mirditës, tronditi mbarë opinionin publik dhe u shoqërua me protesta në disa qytete të Shqipërisë.
Vajza rrëfeu ndër të tjera se fillimisht pati lidhje me një nga të dyshuarit, por ky i fundit e tejkaloi veten, duke u dhënë foto dhe filmime shokëve dhe miqve të tij, që gjithashtu nisën ta shantazhonin atë, se nëse nuk kryente marrëdhënie intime me ta, do i hidhnin materialet në internet.
Një prej të pandehurve cilësohet edhe si kushëri i vetë të dëmtuarës.