“Kamuflazhi” zbulon një tjetër qendër masazhi për prostitucion, 3 në pranga
Subjekti funksiononte brenda një pallati, në rrugën “Luigj Gurakuqi” në kryeqytet. Pas pamjeve filmike nga një emision investigativ dhe hetimeve disajavore, u ndërhy duke prangosur pronaren 21-vjeçare, punonjësen 26-vjeçare dhe një nga klientët. Akuza për shfrytëzim dhe ushtrim prostitucioni, të dyshuarit mohojnë implikimin
Një tjetër qendër e dyshuar prostitucioni, e kamufluar pas një biznesi masazhesh relaksuese, është goditur dje nga policia në kryeqytet. Burime zyrtare bënë me dije se janë arerstuar 3 vajza me akuzën e ushtrimit të prostitucioni në tiranë. Operacioni u krye pas një hetimi disa mujor nga Sektori i antitrafiqeve, që kishte konstatuar se në një ambient në kat të dytë të një pallati, në rrugën “Luigj Gurakuqi”, dyshohej se ushtrohej prostitucion. Vajzat pas ndalimit e mohuan implikimin në veprën penale, duke pretenduar se ushtronin aktivitet të ligjshëm.
Pas ndërhyrjes është kapur fillimisht një 21-vjeçare, që e kishte regjistruar biznesin në emrin e saj, si dhe dy vajza të tjera, njëra 26 vjeçe dhe tjera 25 vjeçe, të cilat akuzohen se ofronin shërbime seksuale kundrejt pagesës, me klientë të ndryshëm dhe me variacione moshash.
“Specialistët e Seksionit për Hetimin e Trafiqeve të Paligjshme Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, si dhe pas transmetimeve të pamjeve filmike në një nga emisionet investigative, finalizuan operacionin policor të koduar “Camouflage 22”, në kuadër të të cilit u bë arrestimi në flagrancë i shtetasve: S. H., 21 vjeçe, për veprat penale “shfrytëzimi i prostitucionit”
dhe “mbajtja e lokaleve për prostitucion”, E. Y., 26 vjeçe dhe L. V., 25 vjeç, për veprën penale “prostitucioni”, thuhet në njoftimin zyrtar. Mësohet se 21-vjeçarja administronte qendrën e masazheve në rrugën “Luigj Gurakuqi”, në të cilën kishte punësuar shtetasen E. Y., dhe të dyshuarën tjetër. Policia specifikoi se se 25-vjeçari L.V., u kap në cilësinë e klientit në këto ambiente, teksa hetimet po thellohen për rolet e gjithsecilit.
Materialet i kaluan Prokurorisë pranë Gjykatës së Shkallës së Parë tiranë, për veprime të mëtejshme proceduriale, kurse të ndaluarit kanë mohuar akuzat e përfshirjes. “drejtoria Vendore e Policisë tiranë fton mediat dhe qytetarët që denoncojnë rastet e paligjshmërisë dhe çdo rast tjetër në Komisariatin dixhital dhe 112, duke iu garantuar anonimat të plotë dhe reagim të menjëhershëm e të paanshëm”, përfundon njoftimi.