Inceneratorët fusin në luftë politikën, opozita kërkon ‘kokën’ e qeverisë: S’mjafton, SPAK të godasë pushtetin!
Kryetarja e Komisionit Hetimor për inceneratorët, Jorida tabaku, ka përshëndetur arrestimet nga SPaK për aferën e inceneratorëve. Megjithatë tabaku thekson se kjo nuk është e mjaftueshme.
Në një konferencë për mediat nga Kuvendi, ajo tha se SPaK duhet të tregojë guxim edhe për njerëzit me pushtet. tabaku theksoi se afera për tre inceneratorët duhen të trajtohen bashkë, pasi personat përgjegjës janë të lidhur me njëri-tjetrin. “Është një ditë e mirë për tu përshëndetur. Por në gjykimin tonë nuk është e mjaftueshme. Kemi pasur një hap përpara në çështjen e hetimit, por ky hap përpara nuk është i mjaftueshëm. Pas një pune 4 mujore të komisionit, por edhe pas denoncimeve dhe kallëzimeve të Pd, pas një raporti 120 faqesh, të cilat tregojnë lidhjen shkak pasojë, me përfshirjen e direkte të kryeministrit, ministrave, të kryetarëve të bashkive, dhe sekretarëve të përgjithshëm si dhe në vijim të thirrje sonë. SPKa ka reaguar duke arrestuar disa zyrtarë. Shqiptarët presin që SPaK të tregojë guxim dhe të reagojë edhe ndaj njerëzve me pushtet. Kemi pritur që SPaK të kalojë përtej pushtetit politik. Guximi më i madh i takon SPaK që të prekë personat me pushtet. Kësaj afere do t’i shkohet deri në fund kur personat me pushtet të jenë prekur”, deklaroi tabaku.
Arrestimet për inceneratorët, PDRamës: Mos blloko hetimet e Prokurorisë
Partia demokratike ka reaguar përsëri dje në lidhje arrestimet e SPaK për inceneratorët. Përmes një reagimi publik, Pd i ka bërë thirrje Ramës që mos të bllokojë kërkesën e prokurorisë për hetimin e njërës prej aferave më të mëdha të korrupsionit në Shqipëri. “SPaK njoftoi se ka kërkuar heqjen e imunitetit të deputetit socialist alqi Bllako. Partia demokratike i kërkon Edi Ramës të mos bllokojë kurrësesi kërkesën e prokurorisë për hetimin e njërës prej aferave më të mëdha të korrupsionit në Shqipëri”. Partia demokratike shton se alqi Bllako, i zhytur kokë e këmbë në këtë aferë, i lidhur edhe me tentakulat e drejtuesve të pushtetit e qeverisë.
Basha: Rezultat i punës së PD, por nuk mjafton, duhet të dënohen ministrat dhe Rama
Lulzim Basha ka reaguar për herë të parë pas dorëheqjes së tij nga drejtimi i Pd, dhe këtë e ka bërë për arrestimet që u bënë për inceneratorin e Fierit. Basha tha se këto arrestime janë rezultat i punës së Pd për aferën e inceneratorëve, ndërsa shton se vetëm këto masa nuk mjafton por duhet të dënohen përgjegjësit kryesorë që sipas tij janë ministrat dhe kryeministri Rama. “arrestimet e sotme, janë si rezultat i punës së jashtëzakonshme dhe profesionale të Partisë demokratike në Komisionin Hetimor Parlamentar, por kjo nuk mjafton. Komisioni faktoi se urdhëruesit dhe përgjegjësit kryesorë të kësaj afere janë ministra dhe kryeministri. asnjë shqiptar nuk e beson se një aferë kaq e madhe korruptive është bërë pa dijeninë e Edi Ramës. Qeveria e tij është e korruptuar. Me këta, shqiptarët nuk mund të kenë mirëqenie”, shkruan Basha.