Gjykata lë në burg 2 policët, 3 në gjendje të lirë, akuzohen se i lejuan çakmakun autorit
Gjykata e tiranës la në masën “arrest me burg” 2 policët e turnit të Komisariatit nr. 5 në Kamëz, që akuzohen si përgjegjës për shpërdorimin e detyrës, në lidhje me zjarrin që vendosi me çakmak i paraburgosuri arben Mici, që humbi jetën të shtunën në mbrëmje. Në seancë me dyer të mbyllura, u kërkua një masë më e lehtë nga avokatët, por kjo është refuzuar. Në vendim bëhet me dije se është vendosur vlerësimi si i ligjshëm i arrestit në flagrancë të personit në hetim Hajredin Boja, inspektor në detyrë, që gjithashtu mbeti i plagosur gjatë përpjekjeve për të shpëtuar jetën e të paraburgosurit tjetër, dilaver idrizi, edhe ky i lënduar. Masa për efektivin Boja u mbajt në spital, ku dhe po mjekohet. Gjithashtu u vlerësua i ligjshëm edhe ndalimi i inspektorit tjetër në turn, Fatmir Isufi, duke vendosur po “arrest me burg”.
Kurse për tre efektivët e tjerë, dy inspektorë dhe një komisar, u la që të vijohet hetimi në gjendje të lirë nga Prokuroria dhe aMP, ashtu siç u vlerësua masa paraprake pas ngjarjes së rëndë.
Ngjarja u regjistrua mbrëmjen e së shtunës, kur luhej Spanjë-Shqipëri dhe efektivët po shikonin ndeshjen, teksa arben Mici mori një çakmak nga uniformat blu dhe me të ndezi jo vetëm cigaren, por edhe dyshekun e qelisë, me qëllim arratisjen. Po për fat të keq plani i dështoi dhe humbi vetë jetën, teksa u asfiksua në banjon e bodrumit, ku priste që pasi të hynin efektivët për të shuar flakët, ai të dilte. Sipas aMP, Mici u la të futej në qeli me çakmak me vete, ndërsa po ashtu u gjetën edhe një paketë duhani me tetë filtra, ndërsa në trup iu gjetën nëpër xhepa pesë cigare dhe një paketë. Mici ishte shoqëruar 22 herë më parë dhe natën e ngjarjes ndodhej në paraburgim për tentativën e vrasjes së nënës dhe familjarëve të tjerë, duke kërcënuar me një bombol gazi. ishte tepër agresiv dhe problematik, e me çrregullime të theksuara mendore. Por Gjykata kishte vlerësuar mbajtjen në paraburgim, por jo në Spitalin e Burgut apo Psikiatri. ai shfaqte hapur shenja të një tendence të theksuar për vetëvrasje dhe madje një herë më parë kishte tentuar aktin pa sukses. Kurse dilaver idrizi ndodhej në paraburgim për hedhjen e bashkëjetueses së tij nga kati i tretë i pallatit dhe dhunimin e saj rreth një muaj më parë. idrizi e mohoi të kishte nxitur Micin për aktin vandal. ai pësoi 20 për qind djegie në trup nga ky incident dhe ndodhet në spital. Policia dhe Prokuroria nuk ngritën akuza shtesë ndaj tij.