“Banesën e mori me qira para një jave, u tmerruam kur erdhi Policia. Nga ai apartament vinin dhe shumë zhurma”
Një ditë pas arrestimit të Nuredin dumanit, dera e apartamenti të tij ku fshihej ruhet ende me dy policë dhe është i rrethuar me shiritat e zonës së krimit. arrestimi i dumanit në mes të natës nga forca të shumta të policisë, ka tmerruar banorët e pallatit, të cilët shprehen se ishin në gjumë në momentin kur dëgjuan ulërima “hapni derën, policia”. ata thonë se nuk e dinin se kush ishte dhe se banesa ishte marrë me qira para një jave. “Unë tani e mora vesh, nuk dimë gjë fare. i gjithë pallati ishte në terror. Pallati është i banuar me qiraxhinj dhe familjarë. Hapni derën jemi polici bërtisnin, gjuanin derën me shkelma. Ne e dinim që atje banonte në italian dhe ka qenë shumë i rregullt ai. italiani iku para një jave”, thanë fqinjët. Një tjetër rrëfeu edhe ‘konfliktin’ pak ditë më parë për shkak të zhurmave. Fqinja tha se i kërkoi personit të mos bënte shumë zhurmë, por ai më pas i trokiti në derë dhe i tha se zhurmën e bënin atë më sipër.
Merr fund në mënyrën më dramatike të mundshme odisea e arratisjes së një prej emrave më të kërkuar të botës së krimit, i akuzuar deri tani për të paktën 6 vrasje në seri, në një sagë hakmarrjeje që nisi për paratë e grabitura në Rinas në vitin 2019 dhe përfundoi në armiqësi të frikshme me mikun e tij të ngushtë dhe bashkëpunëtor. Bëhet fjalë për Nuredin dumanin, 37-vjeçari që mbrëmjen e së mërkurës shkoi me një fuoristradë luksoze për të realizuar një atentat ndaj ish-mikut tashmë armik të tij, talo Çela, por mbeti vetë i plagosur rëndë, me një plumb kallashi në shtyllën kurrizore. ironia ishte e dyfishtë e dinamikës fatkeqe të tij, pasi dyshohet se një nga 20 plumbat e qitur prej kundërshtarëve në një luftë të frikshme në rrugë, tejshkoi jelekun antiplumb që dumani mbante në momentin që do kryente atentatin. Rivalët duket se kishin informacione të sigurta, teksa dumani arriti të shpëtonte fal ndërhyrjes së miqve të tij që e shoqëronin dhe që e transportuan fillimisht për një mjekim ilegal tek ndonjë mjek në zonën e Fierit. Mesnatën e së mërkurës, Policia e Shtetit arriti të finalizonte me forca speciale RENEa operacionin e koduar “arratia”,
duke gjetur të strehuar në një apartament me qira në lagjen “apollonia”, të shumëkërkuarin dumani. Pothuajse i zhveshur, për shkak të trajtimit që po merrte prej plagës sezioze në kurriz dhe në shoqërinë e bashkëjetueses së tij nga Kosova, që gjithashtu u shoqërua, 37-vjeçari u prangos dhe dërgua në spital. Nuk bëri aspak rezistencë, teksa iu desh me patjetër ndihma mjekësore, pasi situata ishte kritike. Edhe dje, mjekët e Spitalit të traumës thanë se nuk e hoqën dot predhën që kishte dëmtuar mushkëritë, pasi i trembeshin ndonjë komplikacioni anësor në shtyllën kurrizore apo organet e frymëmarrjes.
Gjithashtu 3 persona janë të dyshuar si bashkëpunëtorë të Nuredin dumanit, njëri prej të cilëve i ndaluar, cilësohet si miku i tij më i afërt, që edhe e shpëtoi. i arrestuar si përkrahës i dumanit është Henrik Hoxhaj, 40 vjeç, që iu kap edhe pistoletë në brez, teksa transportoi me makinën e tij Nuredinin nga Papërri i Peqinit ku ndodhi përplasja e armatosur, drejt Fierit. Ndërsa 2 të tjerët janë ende të ndaluar në Komisariatin e Fierit, pasi ende nuk është saktësuar pozicioni i tyre dhe një është bashkëjetuesja e të dyshuarit. Hoxhaj nuk është kapur në në ambientet e banesës ku u arrestua dumani, por jashtë pallatit. Sipas policisë, ka prova që e implikojnë atë si bashkëpunëtor apo përkrahës të dumanit. dy të shoqëruarit e tjerë dyshohet se që do e largonin dumanin nga Fieri, në drejtim të një qyteti tjetër. Policia tha se kishte të dhëna operative dhe të gjurmueshme që e çuan tek apartamenti ku po fshihej prej një jave dumani. Nuk dihet nëse kanë qenë vetë miqtë e tij që e tradhtuan, të shqetësuar nga plaga serioze që i rrezikonte jetën, pasi nuk mund të kalonte rrezikun me mkekim privat apo operacion kirurgjikal në ilegalitet. Nuredin dumani fshihej në një banesë në katin e 4, ku bashkëjetonte me një vajzë nga Kosova. Sipas banorëve ajo banesë ishte marrë me qira një javë më parë.
Policia tha se në banesë u gjetën edhe armë zjarri automatike, pistoletë, municione dhe jelek antiplumb, përveç mjeteve të tjera mbështetëse logjistike, si telefona, dokumente dhe sende materiale të ndryshme. Ra në sy fakti transformimi fiziologjik i Dumanit, në krahasim me fotografinë zyrtare të shpërndarë nga autoritetet. i rënë në peshë, fytyrë dhe me flokë të gjatë, që të mos njihej.