A ka naftë Shqipëria dhe ku shkon?
Rama në vitin 2018, kur shkoi në kompaninë SHELL, tha: “Shqipëria ka shumë burime… se është një vend që ka ende shumë për të eksploruar, veçanërisht në fushën e naftës… Me këto investime ne po ndërtojmë Shqipërinë e brezat e tjerë me fillimin e shpimit të puseve Shpirag-3”.
Po, çfarë po bëhet tani në pusin Shirag-3? Rama është i ndjeshëm ndaj të huajve, BE -së, artistëve, afganëve, bangladeshit, sirianëve, veçanërisht ndaj udhëheqësve botërorë, por ai bëhet shurdh-memec kur bëhet fjalë për industrinë shqiptare të naftës, heronjtë tanë të naftës.
Zoti Rama e njeh mirë farsën 30-vjeçare që është luajtur dhe po luhet me naftën tonë nga Nano tek Berisha, nga Berisha tek ai vetë. Duhet ta keni parasysh mirë, se kjo krizë energjetike është shumë më e keqe se tërmeti i fundit, se Covid-19, se kjo krizë është prolog i një lufte të re botërore, për jetë a vdekje.
Kriza ka shkaqet e saj, por nafta është çelësi, sepse rezervat pakësohen çdo orë. Sot marifeti qëndron në atë se kush di ta ruajë atë sa më mirë që të jetë e mundur, të mos bëjë mëkat, ta japë falas për miqësi, për zgjedhje, për pushtet, për kurvëri… Disa njerëz të zgjuar e mbajnë këtë parfum thellë në tokë.
Radiografia e naftës sonë mund të bëhet shumë shpejt dhe me lehtësi, mjafton të hapni të gjitha dosjet e marrëveshjeve të koncesionit me të huajt, të gjeni emrat dhe nënshkrimet…
Nafta është energji dhe moral kombëtar. A ka Akademia e Shkencave moral? Çfarë mendon ajo: A ka naftë Shqipëria dhe ku shkon? Rama, nëse i ka mbetur një fije seriozitet, duhet të ndryshojë shkatërrimin e naftës, të planifikojë, të bëjë një takim sa më parë me specialistët e naftës, me ata që i kanë çregjistruar, t’i mbledhë nga janë.për të dëgjuar zërin e tyre. Vetëm me ta ne do të jemi në gjendje të lehtësojmë këtë krizë të gjatë.
Kjo krizë është e gjatë. Le ta dijë mirë kjo qeveri se ka shumë prognoza për kërkimin e hidrokarbureve në fondet e institucioneve të naftës. E vetmja gjë që mungon është parku i sondës, të cilin paraardhësit e shkatërruan.
Franca nuk kishte aq shumë sonda. Specialistët tanë të naftës kanë në dorë projekte efikase për zbulimin e naftës, ata e njohin mirë gjeologjinë e Shqipërisë, kanë përvojë. Ata thjesht duan atë bazë teknike që thamë më lart, se ata kanë përvojë të madhe perëndimore. Vetëm specialistët shqiptarë e ringjallin industrinë e naftës, sepse me njohuritë e tyre do mund ta lehtësojmë këtë krizë të madhe.
Disa specialistë kanë pikëpamje personale për perspektivën e naftës krejt të ndryshme nga Shell. Letër e nënshkruar, Ahmet Çollaku