Finalja e e Conference League, UEFA trajnon Policinë e Shtetit për çështjet e sigurisë

Prej disa ditësh, me qëllim mbarëvajtjen e finales së Conference League në

“Air Albania”, po mbahen disa trajnerine që kanë në fokusin sigurinë në stadiume dhe përgatitjes së autoriteteve ligjzbatuese për aktivitete të këtyre përmasave, kryesisht Policisë së Shtetit.

Në trajnimin e radhës me temë “Police training – Safety&Security”, ku marrin pjesë ekspertë të UEFA-s, ekspertë të FSHF-së, përfaqësues të Ministrisë së Arsimit, Sportit dhe Rinisë, drejtuesit më të lartë të Policisë së Shtetit, si Zv/ drejtori Albert Dervishaj, drejtor i Departamentit për Sigurinë Publike në DPPSH, Rebani Jaupi, drejtuesit e Policisë së Tiranës, Policisë Rrugore dhe drejtorive të ndryshme, që do të jenë të angazhuara në mbarëvajtjen e finales së UECL në Tiranë.

Në nisje të trajnimit, ishte i pranishëm edhe drejtuesi i Sektorit të Sigurisë në UEFA, Giovanni Spitaleri, i cili mbajti një fjalë, ku u përcolli pjesëmarrësve edhe përshëndetjet e Presidentit të UEFA-s, Alexander Ceferin. Ky trajnim, që këtë herë është i fokusuar vetëm për policinë, është në vijim edhe të dy trajnimeve të tjera të zhvilluara në muajt shkurt dhe mars, në të cilat ekspertët e UEFA-s, zhvilluan trajnime të përbashkëta për sigurinë dhe shërbimin me pjesëmarrës nga disa institucione që kanë detyrime në këtë drejtim, duke ndarë me përfaqësuesit që morën pjesë eksperienca të rëndësishme të ngjarjeve të ndryshme që kanë ndodhur në stadiume në vende të ndryshme apo edhe në vendin tonë. Trajnimi udhëhiqet nga lektorë të UEFA-s dhe përfaqësuesi i

Rrjetit Policor për Shkëmbimin e Informacionit për Ndeshjet e Futbollit NFIP, Adrian Dinca.