Verdikti i GJKKO-së, çfarë pasurish i sekuestruan deputetit Mahmutaj dhe dënimi i të vëllait
Në vendimin e shpallur nga gjyqtarja Etleva Deda numërohen 25 pasuri të konfiskuara ndaj tre vëllezërve Mahmutaj, mes të cilave ndodhen edhe pronat e deputetit. Nga deputeti Kasem Mahmutaj me urdhër të gjykatës kaluan në favor të shtetit dy apartamente, dy sipërfaqe trualli dhe një automjet. Ndonëse i deklaruan si të ardhura nga emigracioni gjykata vlerësoi se pasuritë e Behar, Kasëm dhe Gazmend Mahmutaj nuk justifikohen dhe se ka dyshime që burojnë nga krimi sa kohë ky i fundit rezulton i dënuar. Vëllai i deputetit Gazmend Mahmutaj, me emrin e ndryshuar në Eduart Toska, rezulton të jetë shpallur fajtor nga Gjykata e Veronës, në nëntor 1993. Ky vendim për akuzën e shfrytëzimit të prostitucionit është konvertuar në Shqipëri me tete vjet burg ne të njëjtin vit. Ndërkohë që ne 2020 pasuritë e të dënuarit dhe familjareve të tij u vendosen nën kontrollet e OFL e më pas të kërkimeve të SPAK që shkoi në gjykatë me kerkesë bllokimi. Deputetit dhe dy vëllezërve të tij ju është lënë pa konfiskuar vetëm nga një banesë që u toleruan nga Gjykata për motive sociale dhe strehimi. Pas hetimeve proaktive PSAK ka marrë vendime konfiskimi për pasuri me vlerë 71 milionë euro, më të rëndësishmet “Toyota Yaris”, me 3,4 milione euro apo tokat në vendin e quajtur “Rana e Hedhur”, me vlerë 55 mln euro. Të tjera janë nën procedim pasuror.
LISTA E PASURIVE TË SEKUESTRUARA:
-Truall, 147 m2, Berat
-Apartament 88 m2, Berat
-Apartament, 41 m2, Berat
-Apartament, 41 m2, Berat
-Apartament, 64 m2, Berat
-Apartament, 106 m2, Berat
-Apartament, 88 m2, Berat
-Apartament, 106 m2, Berat
-Ndërtesë, 177 m2, Berat
-Truall, 129 m2, Berat
-Arë, 1.000 m2, Berat,
-Pasuri në proces legalizimi
-Pasuri në proces legalizimi
-Pasuri në proces legalizimi
-Pasuri në proces legalizimi
-Pasuri në proces legalizimi
-Automjet i llojit furgon
-Makinë “Mercedes Benz”
-Automjet i markës “SSANGYONG”,
-Autorveturë i markës “Kia”
-50% e kapitalit të kompanisë “P.T.E-BR” për instalime elektrike
-Kompani regjistruar në godinë një katëshe, Berat -Kompani, në fushë veprimtarie shtypshkronjë, Berat -Pasuri “Antipatrea Hotel”, Berat
-Pasuri “Studio Fotografike”, Berat