Vlora ka kriminalitetin më të lartë, por gati gjysmën e prokurorëve. KLP emëron kreun e ri: Në korrik do të emërohen magjistratët që mungojnë
Reforma në drejtësi ka krijuar ngërç institucional dhe organik në shumë gjykata dhe prokurori në vend. Më e prekura është edhe Prokuroria e Vlorës, pikërisht qarku që vlerësohet sipas të dhënave me kriminalitetin ndër më të lartët. Aktualisht janë vetëm 11 prokurorë pranë Gjykatës së Shkallës së Parë, nga 17 që duhet të ketë kjo trupë. Problematika e shkaktuar nga Vettingu vihet re edhe në të gjitha prokuroritë e rretheve. “I tërë sistemi i drejtësisë ka mungesa të theksuara, sidomos prokuroritë e rretheve janë shumë të ngarkuara. Në këto kushte, do e zbusim pak me magjistratët e rinj,
që do të emërohen në korrik, presim që ata të amortizojnë problematikën , por gjithsesi nuk është
se zgjidhet kjo çështje. Komisioni i kualifikimit nuk ka lidhje me këshillin e lartë të prokurorisë është institucion më vete i cili merret me verifikimon e gjyqtarëve dhe prokurorve por gjithsesi përderisa ligjvënësi e ka shtyrë me dy vjet mandatin , do të thotë që ka krijuar problematika, pasi nuk është aspak e lehtë për të verifikuar secilin magjistrat”, njoftoi KLP, nëpërmjet numrit dy të saj. Këtë deklaratë numri dy i Këshillit të Lartë të prokurorisë e bëri pas prezantimit të kreut të ri të prokurorisë së Vlorës, Aurel Zarka, i cili foli për punën e sforcuar.
“Duke pasur parasysh që ka një mungesë të theksuar prokurorësh, jemi më pak se gjysma, i bie që një prokuror bën punën dyfish. Me ndihmën dhe të institucioneve dhe mirëkuptimin e qytetarëve, mendojmë ra përballojmë derisa të plotësohet trupa”, tha ai. Zarka merr drejtimin e Prokurorisë pas komandimit të Erion Çelës si prokuror pranë Apelit të Vlorës.