I burgosuri vetëhelmohet me koktejl ilaçesh, por pas mjekimit në spital...i vjedh bisturinë doktorit!
Një ngjarje e pazakontë ka ndodhur dje me një të burgosur, i cili po vuan dënimin ne IEVP Drenovë. Amarildo Ajdini, orët e para të mëngjesit, përfundoi në spital pasi ka konsumuar një sasi të madhe ilaçesh, në përpjekje për t’u vetëhelmuar në gjendje depresioni.
Pasi është transportuar në spitalin rajonal të Korcës nga konsumimi i disa barnave mjekësore, i dënuari rezulton se kur është kthyer në qeli, ka vjedhur nga dhoma e mjekut një bisturi, të cilën gjatë kontrollit të ushtruar e kanë gjetur të fshehur mes rrobave të tij. Autoritetet dyshojnë se Ajdini e ka marrë mjetin prerës kirurgjikal me qëllim për të lënduar përsëri veten, që të priste damarët në qeli dhe t’i jepte fund jetës. Pista tjetër që po verifikohet është nëse ai e ka kryer qëllimisht aktin, për të siguruar një mjet prerës, që ta përdorte për qëllime të tjera në burg.
Vetëvrasja për të cilën i burgosuri tentoi të bëjë dje,t duke konsumuar ilaçe, mund të jetë një nga arsyet që e shtynë këtë shtetas të vjedhë edhe bisturinë e mjekut.
I burgosuri e fshehu mjetin prerës në trup, por u kap “mat” gjatë kontrollit nga Policia e Burgut.
“Në IEVP Korçë, ndaj të paraburgosurit Amarildo Hajdini, është përpiluar raport incidenti si dhe është shoqëruar për në veçim për arsye se: Me datë 12.05.2022 rreth orës 01:10 kur është kthyer nga Spitali Rajonal Korçë, gjate kontrollit kur i paraburgosuri do bëhej hyrje në IEVP Koçë, ju gjet në xhep një mjet prerës (tip bisturie), rreth 5 cm i gjatë. Në drejtim të të paraburgosurit u kryen veprimet procedurale dhe materialet ju kaluan për veprime të mëtejshme SHKBB”, thuhet në njoftimin e
Burgut të Korçës.
Nuk është hera e parë që të izoluarit tentojnë të fusin apo përvetësojnë sende të ndaluara në burgje. Një grup hetimor së bashku me Prokurorinë e Korçës është ngritur me këtë rast, teksa janë shtuar masat e kontrollit edhe në Burgun e Drenovës, pasi aty vuajnë izolimin shumë persona të cilësuar me rrezikshmëri të lartë dhe mundësi për arratisje.