Nga Argjir Vithkuqi

Gazeta “Kushtrim brezash”, organi i Komitetit Kombëtar të Organizatës së Veteranëve të LANÇ, filloi të botohej më 15 maj 1992. Merita e veçantë për krijimin e kësaj gazete i përket iniciatorit të saj, ish Kryetarit të Komitetit Kombëtar të Organizatës së Veteranëve të LANÇ-it të Popullit Shqiptar, të paharruarit Piro Dodbiba. Emërtimin e gazetës “Kushtrim brezash” e propozoi veterani i LANÇ Pipi Mitrojogji.

Natyrisht, në fillim kjo gazetë, për vetë kushtet e vështira ku ndodhej Organizata e Veteranëve të LANÇ, ishte e thjeshtë, me faqe, shkrime e tematika të kufizuara, me tirazh të ulët dhe me shpenzime që përballoheshin nga kontributet e vetë veteranëve të LANÇ të kësaj organizate.

Në periudhën fillestare, kryeredaktor i gazetës u caktua publicisti i shquar Fiqiri Vogli, kurse sekretar kolegjiumi veterani i LANÇ Kozma Skarço. Zv/kryeredaktorë u caktuan veteranët e nderuar të LANÇ: Nikolla Mullisi, Andon Kote dhe Nexhmi Mezelxhiu. Kurse redaktor ishte gazetari Sadik Murraj. Pas një viti, në dhjetor të vitit 1993, me daljen në pension të Fiqiri Voglit, kryeredaktor u emërua një publicisti tjetër i mirënjohur, Hamdi Sollaku. Dhe me daljen në pension të Kozma Skarços, vendin e tij e zuri gazetari i njohur Dhimitër Shtëmbari. Ndërsa si gazetarë punuan Sadik Murraj dhe Feim Goxhaj.

Me largimin e kryeredaktorit Hamdi Sollaku, për arsye shëndetësore, vendin e tij e zuri Nexhmi Menzelxhiu. Gjatë kësaj kohe redaksisë iu shtua edhe një zv/kryeredaktor, shoku Burhan Llukaçi. Në prill të vitit 2005, me largimin e kryeredaktorit Nexhmi Menzelxhiu, kryeredaktor u emërua Dhimitër Shtëmbari, i cili vazhdoi deri në tetor të vitit 2009.

Ndërsa pas kësaj periudhe dhe deri në mars të këtij viti, kryeredaktor u emërua publiçisti dhe fabulisti i mirënjohur Gjikë Kurtiqi, duke patur si redaktorë gazetarët: Kristaq Laka dhe Sadik Murrën dhe kompjuteriste Nazmie Bicin. Nga marsi i këtij viti e në vazhdum kryeredaktor është emëruar gazetari i mirënjohur Bashkim Koçi.

Veprimtaria e redaksive të gazetës “Kushtrim brezash”, nga fillimet e saja e deri më sot, është karakterizuar nga një përkushtim dhe ndjenjë e lartë përgjegjësie e të gjitha stafeve që kanë punuar në të. Rrjedhimisht, nga njëra periudhë në tjetrën, niveli dhe cilësia e gazetës “Kushtrim brezash”, ka ardhur gjithnjë në rritje. Para periudhës së kovidit tirazhi i saj arriti në 7.600 copë. Në mënyrë të veçantë, vitet e fundit vërehet një rritje cilësore dhe një pasqyrim tepër i larmishëm i tematikave që lidhen me përkujtimin e ngjarjeve dhe datave historike të LANÇ, në pasqyrimin e veprimtarive të organizatave të veteranëve të rretheve, përgjithësimin e përvojës pozitive, lëvrimin e figurave të të rënëve etj. por sidomos përgatitja e editorialeve, në të cilat janë trajtuar çështje aktuale me rëndësi të veçantë në mbrojtje me

Në jetën tonë po hyn edhe një bashkëbisedues tjetër, gazeta e veteranëve tanë të nderuar “Kushtrim brezash”. Ajo do të përcjellë zërin e tyre dhe frymën e tyre të pashuar bashkë me dashurinë për Shqipërinë, për nderin dhe pavdekësinë e saj. Ne do të bashkëbisedojmë me këtë bashkëbisedues të ri, duke kujtuar gjyshërit dhe etrit tanë që u dogjën për mëmëdhenë, për lirinë, për përparimin dhe demokracinë e vërtetë. Çdo gur po të lëvizësh në male, e çdo plis të kthesh më fusha, do të gjesh gjurmët e tyre, do të ndjesh zërin e tyre. “Kushtrim brezash” do të na nxisë që ne t’i dëgjojmë e të mos i harrojmë këto gjurmë e këto zëra.

Dikush ka thënë: ai që qëllon mbi të kaluarën time të ndershme me kobure, unë e qëlloj me nderin dhe veprën time.

E kaluara jonë e ndershme dhe personazhet e saj jetojnë në brezat e sotëm. Lajmëtari i ri “Kushtrim brezash” do të bëjë që ne të jetojmë më pranë historisë.

Udhë të mbarë !