Trafiku me viza false në SHBA për 10 mijë euro, 79 vite burgim 16 të pandehurve
Mbyllet në shkallën e parë të Gjykatës së Posaçme Antikorrupsion, një nga proceset më të bujshme, të hetuar bashkë me organet ligjzbatuese të SHBA-ve, që ka të bëjë me trafikun e qenieve njerëzore në Amerikën e Veriut dhe vizat e falsifikuara, kundrejt pagesave që kalonin edhe 10 mijë euro. Gjyqi ndaj grupit të strukturuar kriminal, ka përfunduar dje me dënimin e 16 personave të pandehur, me një total prej 79 vitesh izolim.
Të akuzuarit kryesorë; Bukurije Ahmetaj dhe Elvis Ahmetaj, janë dënuar respektivisht me 12 dhe 10 vite burg, por për shkak të gjykimit të shkurtuar do të vuajnë 8 vite Bukurije Ahmetaj dhe Elvis Ahmetaj 6 vjet e 8 muaj burg. Fatmir (Elvis) Qema, Altin Mema dhe Blerim Coka, u dënuan me nga 8 vite burg, Eduart Haxhiu dhe Azem Tanushi me nga 7 vite e 4 muaj burg, Xhelil Dautaj me 4 vite, Mark Gjinaj (Gjini) me 5 vite izolim, Shkëlzen Avduli (Gjoka, Popenga), Klajdi Llikaj, Admir Spahia, Drita Sadrija, Aida Cenaj, Ilir Ferati dhe Juxhin Tirana, u dënuan secili me nga 2 vite e 4 muaj burg.
Sipas SPAK, organizata akuzohet se në bashkëpunim dhe me role të ndara, dërgonin ilegalisht qytetarë shqiptarë apo të huaj, me viza false në SHBA, Kanada dhe Mbretërinë e Bashkuar,
DËNIMET E DHËNA DJE NGA GJKKO: Bukurije Ahmetaj, 8 vite burg
Elvis Ahmetaj, 6 vite e 8 muaj burg
Fatmir (Elvis) Qema, 8 vite burg
Eduart Haxhiu, 7 vite e 4 muaj burg
Altin Memaj, 8 vite burg
Blerim Coka, 8 vite burg
Azem Tanushi, 7 vite e 4 muaj burg
Xhelil Dautaj, 4 vite burg
Mark Gjinaj (Gjini), 5 vite burg
Shkëlzen Avduli (Gjoka, Popenga), 2,4 vite Klajdi Llikaj, 2 vite e 4 muaj burg
Admir Spahia, 2 vite e 4 muaj burg
Drita Sadrija, 2 vite e 4 muaj burg
Aida Cenaj, 2 vite e 4 muaj burg
Ilir Ferati, 2 vite e 4 muaj burg
Juxhin Tirana, 2 vite e 4 muaj burg si dhe vendet e Bashkimit Europian. “Këta persona kanë funksionuar si një grup i strukturuar me detyra të përcaktuara qartë, ku merreshin me falsifikimin e letërnjofimeve, pasaportave dhe vizave më shumë se një herë dhe kanë ndihmuar më shumë se një herë qytetarë që të hyjnë ilegalisht në SHBA, nëpërmjet tre korridoreve, Shqipëri-Gjermani-R. Domenikane në Meksikë- SHBA; Shqipëri-Bullgari-Francë-Republika Domenikane- SHBA; Shqipëri-FrancëLondër-R.Domenikane-SHBA, por gjithashtu edhe në Kanada dhe në Mbretërinë e Bashkuar”, do njoftonte pas operacionit dy vite më parë Policia e Shtetit.