MSH: Dje u zbuluan 20 raste të reja infektimi me koronavirus

Ndërsa vijon t’u kërkojë qytetarëve që të vaksinohen sa më parë, për të mbrojtur veten dhe shëndetin e të tjerëve, Ministria e Shëndetësisë dhe Mbrojtjes Sociale ka konfirmuar ditën e djeshme 20 raste të reja infektimi me koronavirus në të gjithë vendin, teksa për të disatën ditë me radhë nuk është shënuar asnjë humbje jete.

Lidhur me situatën në 24 orët e fundit, bëjmë me dije se në të gjithë vendin janë kryer 405 testime, nga të cilat kanë rezultuar pozitivë me koronavirus, 20 qytetarë, në këto bashki: 8 në Tiranë, 3 në Rroskovec, Sarandë, Tepelenë, 1 në Shijak, Patos, Selenicë. Janë 313 qytetarë aktivë me Covid-19 në gjithë vendin. Aktualisht në spitalin Covid-3 po marrin trajtim 4 pacientë. Në 24 orët e fundit nuk ka asnjë humbje jete me Sars-Cov2, ndërkohë që janë shëruar 14 qytetarë, duke e çuar numrin e të shëruarve në 272,291 që nga fillimi i epidemisë”, raporton Ministria e Shëndetësisë.

Sipas autoriteteve të shëndetit, vaksinat antiCovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Kështu, çdo qytetar mbi 12 vjeç, mund të vaksinohet në qendrat shëndetësore. Po ashtu edhe të gjithë qytetarëve të vaksinuar me dy doza, u bëhet thirrje të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese. Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës antiCovid, sipas rekomandimit të mjekut të familjes. Nëse dyshoni se jeni të prekur nga Covid-19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.