Lionel Messi: "Real Madridi nuk ishte skuadra më e mirë në Ligën e Kampionëve këtë sezon"

Lionel Messi këmbëngul se Real Madrid ‘nuk ishte skuadra më e mirë’ në Ligën e Kampionëve të këtij sezoni, pavarësisht se spanjollët mposhtën 1-0 Liverpool-in në finalen e Parisit.

Rivaliteti i gjatë i Messit me Realin vjen nga 21 vitet që ai kaloi me rivalët e tyre, Barcelonën. Skuadra e tij aktuale, Paris Saint-Germain, u eliminua nga "Los Blancos", të drejtuar nga Carlo Ancelotti në fazën çerekfinale, një ndeshje në të cilën PSG dominoi shumë.

Spanjollët bënë një gjë të ngjashme kundër Chelsea dhe Man City në raundet në vijim, përpara se të mundnin Liverpoolin me një gol të vetëm në finale, pavarësisht se kishin vetëm katër goditje kundrejt 24 të "Reds". Messi këmbëngul se Madridi nuk ishte skuadra më e mirë në kompeticion këtë sezon, përpara se të deklaronte se nuk po i heq asnjë meritë nga fitorja e 14-të e Kupës Evropiane.

“Ndeshja e Real Madridit na vrau, skuadra më e mirë nuk fiton gjithmonë”, tha Messi për transmetuesin argjentinas TYC.

“Pa i hequr asgjë Madridit, sepse ata janë kampionët e Evropës dhe janë gjithmonë aty pranë, por ata nuk ishin skuadra më e mirë e kësaj Champions League.

“Liga e Kampionëve ka të bëjë me situata, momente kyçe, momente psikologjike që e marrin një ekip, ku gabimi më i vogël mund të të eliminojë ty dhe ata që janë më të përgatitur për ato situata përfundojnë duke fituar ose duke arritur në finale”.

Pas më shumë se dy dekadash në Barcelonë, Messi u detyrua të largohej verën e kaluar pasi klubit iu tha se nuk mund të përballonin pagat e tij për shkak të kufijve të La Liga.

Superylli kaloi një kohë të vështirë në kryeqytetin francez këtë sezon, gjë që bëri që ai dhe shokët e tij të talleshin nga mbështetësit vendas.

Dhe ishte diçka që Messi e ka etiketuar si "të ashpër" dhe "të vështirë", gjë që mund të lë të kuptohet për dëshirën e tij për t'u kthyer në Barcelonë në të ardhmen e afërt.

“Ishte një verë plot lumturi dhe një verë ku mendova se gjithçka do të qëndronte e njëjtë në Barcelonë dhe në jetën time, dhe më pas ndodhi ajo që ndodhi dhe ishte e vështirë”, shtoi ai. “Ishte një ndryshim i vështirë, një vit i vështirë. Përshtatja nuk ishte e lehtë. Pas një jete në të njëjtin vend, nuk është e lehtë në moshën time.

“Është sfidë e re për mua. Është një situatë ndryshe. Nuk më kishte ndodhur kurrë në Barcelonë, krejt e kundërta”, tha ai më tej kur u pyet për sulmet nga tifozët e PSGsë.

“Zemërimi është i kuptueshëm. Nuk bie dakord për fishkëllimat për mua dhe për [Neymar] në veçanti.

“Nuk më pëlqeu që familja ime ishte atje dhe ata dëgjuan njerëz që më fishkëllenin dhe fëmijët e mi që ishin atje.”