Ish-punonjësja e seksit ekzekutohet një vit pasi la aktivitetin dhe u martua. Kush është Nevila Pjetri, e kaluara dhe çfarë thonë dëshmitë
Një 35-vjeçare shqiptare u gjet e masakruar, pothuajse e zhveshur dhe me plumb pas koke mbrëmjen e së dielës. Viktima është identifikuar si Nevila Pjetri, teksa trupi u gjet në shtratin e lumit Parmignola, në Sarzara të Italisë, poshtë urës së madhe. Sipas mediave italiane, ajo fillimisht është rrahur dhe më pas është vrarë me një të shtënë me pistoletë, nën dyshimin se ndoshta mund të posedonte ndonjë informacion me rëndësi apo të ishte përfshirë aksidentalisht në dijeninë e ndonjë fakti me rrezik të lartë. Karabinierët kanë gjetur makinën e viktimës, të parkuar jo shumë larg vendit ku u gjet kufoma. Po ashtu, autoritetet janë vënë në kërkim të një makine, në të cilën disa dëshmitarë thonë se ka hipur gjatë orëve të vona të natës Nevila Pjetri. Pjetri kishte dëmtime në fytyrë, gërvishtje në krahë, ishte gjysmë e zhveshur dhe e mbuluar në gjak. Por vrasësi ishte siguruar që të mos linte asgjë gjurmë në vendin e krimit, teksa ka dyshime se mund të bëhet fjalë edhe për ndonjë vrasës serial. Deri më tani nuk ka asnjë gjurmë. As rrobat e humbura të saj, çanta e dorës apo dokumentet e viktimës nuk janë gjetur. Nevila Pjetri gjithashtu është një emër i njohur dhe për autoritet shqiptare. 35-vjeçarja me origjinë nga Elbasani, e cila prej vitesh jetonte në Carrara të Italisë, në vitin 2009 është arrestuar për prostitucion, pikërisht aty ku po përqendrohen edhe hetimet kryesore. Aktualisht Pjetri ishte martuar me një shqiptar para një viti. Ata nuk kishin fëmijë. Bashkëshorti i saj është kopshtar dhe banonin së bashku në një zonë në Massa, teksa dha edhe dëshmi publike në media për rrethanat. Hetuesit besojnë se kjo mund të jetë edhe një hakmarrje e autorit apo grupit kriminal, për jetën e re që Pjetri po bënte si familjare dhe lënien e biznesit fitimprurës për organizatën, duke u shkaktuar dëme financiare, ndaj në shenjë hakmarrjeje e lanë eleminuar. Bashkëshorti, Leonardo Marku, tha se ata u martuan vitin e kaluar. Burri e mori vesh për vrasjen nga policia, kur i trokitën në derë mëngjesin e djeshëm. Ajo punonte zyrtarisht në një kamping përgjatë bregdetit, në Marina di Massa.