Studimi i CIES nxjerr rezultatet për futbollistët më të shtrenjtë në botë, kryeson “ylli” francez

Kylian Mbappe, Vinicius Jr dhe Erling Haaland janë lojtarët më të vlefshëm në botë. Ky është rezultati i nxjerrë nga grupi kërkimor CIES Football Observatory.

Mbappe, 23 vjeç, i cili refuzoi kalimin te Reali i Madridit për të qëndruar te Paris St-German, kryeson listën me një vlerë transferimi të vlerësuar 205.6 milionë euro.

Anësori brazilian i Realit, Vinicius Jr, i cili shënoi golin e fitores në finalen e Ligës së Kampionëve kundër Liverpoolit, është i dyti me vlerën e kartonit 185.3 milionë euro, ndërsa sulmuesin norvegjez i Manchester City-t, Haaland, i treti me vlerë 152.6 milionë euro.

Mesfushori i Borussias së Dortmundit, Jude Bellingham, vlerësohet 133.7 milion euro, pas Pedrit të Barcelonës (135.1 milionë euro), dhe është lojtari anglez më i vlefshëm në listë, në vendin e pestë, përpara shokut të skuadrës tek Anglia dhe mesfushorit të Manchester City-t, Phil Foden (124 milionë euro).

CIES përdor një sërë variablash duke përfshirë moshën e një lojtari, performancat, vlerën ekonomike të klubit të tyre dhe inflacionin për të përcaktuar vlerat e transfertave.

Lojtari i sezonit në Premier League, 30-vjeçari i Manchester Cityt, Kevin de Bruyne, është lojtari më i vjetër në top100 (48.9 milionë stërlina dhe 17-vjeçari i Barcelonës Gavi (49.9 milionë stërlina) është më i riu.

Ndërkohë, Gianluigi Donnarumma i PSG-së, i cili fitoi Kampionatin Evropian me Italinë, është portieri më i vlefshëm në vendin e 41-të në renditje.

Nënkampioni i këtij sezoni në Premier League dhe Champions League, Liverpooli, përfaqësohen në top-10 nga nënshkrimi i janarit, Luis Diaz (94 milionë stërlina).